ଦଶପଲ୍ଲା: ଦଶପଲ୍ଲାର ସ୍ୱାଭିମାନକୁ ବଜାୟ ରଖିବା ସହିତ ଦଶପଲ୍ଲା ନିର୍ବାଚନ ମଣ୍ଡଳୀର ସର୍ବାଙ୍ଗୀନ ଉନ୍ନତି ସକାଶେ ଦଶପଲ୍ଲା ସ୍ୱାଭିମାନ ମଂଚ ପକ୍ଷରୁ ଏକ ଜନସମ୍ପର୍କ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଦଶପଲ୍ଲା ନିର୍ବାଚନ ମଣ୍ଡଳୀର ବିଭିନ୍ନ ଅଂଚଳରୁ ଆସିଥିବା ସ୍ୱାଭିମାନୀ ଜନସାଧାରଣ ଦଶପଲ୍ଲା ତ୍ରୀନାଥ ବଜାର ନିକଟରୁ ପାଂଚଶହରୁ ଉର୍ଦ୍ଧ୍ୱ ବାଇକ୍ ଯୋଗେ ଏକ ବିରାଟ ବାଇକ୍ ରାଲିରେ ସମଗ୍ର ଦଶପଲ୍ଲା ପରିକ୍ରମା କରି ଦଶପଲ୍ଲା ର ଆରାଧ୍ୟ ଦେବ ମହାବୀରଙ୍କ ନିକଟରେ ପହଞ୍ଚିବା ପରେ ମହାବୀରଙ୍କୁ ଦର୍ଶନ କରି ଦଶପଲ୍ଲାର ଗଡ଼ଦେବୀ ନାୟୀକାଶୁଣୀଙ୍କ ନିକଟରେ ପହଞ୍ଚିବା ପରେ ଏକ ଟିରାଟ ସାଧାରଣ ସଭା ଅନୁଷ୍ଠିତ ହୋଇଥିଲା । ଏହି ସଭାରେ ଦଶପଲ୍ଲା ଅଂଚଳର ବିଶିଷ୍ଟ ସମାଜସେବୀ ଶ୍ରୀହରି ନାଏକ, ନୟାଗଡ଼ ଜିଲ୍ଲା ବିଜେଡି ଉପସଭାପତି ପ୍ରଦୋଶ କୁମାର ଜେନା, ଦଶପଲ୍ଲା ଏନ୍ଏସିର ପୂର୍ବତନ ଅଧ୍ୟକ୍ଷା ବବିତା ସାହୁ, ଏଏନ୍ଏସି ଅଧ୍ୟକ୍ଷା ଇଂ. ପୁନମ୍ ପ୍ରିୟଦର୍ଶିନୀଙ୍କ ସମେତ ବିଜେଡ଼ିର ବହୁ ତୁଂଗ ନେତା ଯୋଗ ଦେଇ ସ୍ଥାନୀୟ ବିଧାୟକଙ୍କ ବିରୋଧରେ ବିଶୋଦଗାର କରିଥିଲେ ।
