ବୌଦ୍ଧ,୨୯/୬: ଆନ୍ଧ୍ରପ୍ରଦେଶର ରାଜମୁନ୍ଦ୍ରିଠାରେ ଗତ ମେ ୨୨ରୁ ୨୫ ତାରିଖ ଯାଏଁ ଅନୁଷ୍ଠିତ ହୋଇଥିବା ଚତୁର୍ଥ ଏନଟିପିସି ଜାତୀୟ ତୀରନ୍ଦାଜ ଚାଂପିଆନସିପରେ ୯ବର୍ଷରୁ କମ୍ (ବାଳିକା) ବର୍ଗରେ ଅଂଶଗ୍ରହଣ କରିଥିବା ବୌଦ୍ଧ ଜିଲ୍ଲା ତୀରନ୍ଦାଜ ସଂଘର ସୁଶ୍ରୀ ସାଇଲକ୍ଷ୍ମୀ ନାଏକ ଓ ସ୍ପୋନାଶ୍ରୀ ନାଏକଙ୍କୁ ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଆଜି ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଛନ୍ତି । ଆଗାମୀ ଦିନରେ ତୀରନ୍ଦାଜ କ୍ଷେତ୍ରରେ ଅଧିକ ସୁନାମ ଆଣି ବୌଦ୍ଧକୁ ଗର୍ବିତ କରିବାପାଇଁ ସେ ଖେଳାଳୀଦ୍ୱୟଙ୍କୁ କହିଥିଲେ । ସମ୍ବର୍ଦ୍ଧନା ବେଳେ ବୌଦ୍ଧଜିଲ୍ଲା ତୀରନ୍ଦାଜ ସଂଘ ସଭାପତି ସୂର୍ଯ୍ୟକାନ୍ତ ଦଳବେହେରା, ସଂପାଦକ ଅର୍ଜୁନ କହଁର, ଇନ୍ଦ୍ରମଣି ମେହେର, ସଞ୍ଜୟ ନାଏକ, ଶ୍ରୀମତୀ ବିଜୟଲକ୍ଷ୍ମୀ ଜୀଉ ପ୍ରମୁଖ ଉପସ୍ଥିତ ଥିଲେ ।
