ଖପ୍ରାଖୋଲ,୧/୭ (ହୀ.ପ୍ର) : ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ହରିଶଙ୍କର ଉଦ୍ୟାନ କୃଷି ଫାର୍ମ ଠାରେ କୃଷି ବିଭାଗ ତରଫରୁ ବ୍ଲସ୍ତରୀୟ କୃଷକ ମେଳା ଗୁରୁବାର ଅନୁଷ୍ଠିତ ହୋଇଯାଇଛି । ପାଟଣାଗଡ କୃଷି ଜିଲ୍ଲା ଅଧିକାରୀ ଗୁରେନ୍ଦ୍ର ନାଥ ସିଂଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ପାଟଣାଗଡ଼ ବିଧାୟକ ତଥା ବିଧାନସଭା ଉପମୁଖ୍ୟ ସଚେତକ ସରୋଜ ମେହେର ଯୋଗଦେଇ ପ୍ରଦୀପ ପ୍ରଜ୍ୱଳନ କରି କୃଷକ ମେଳାକୁ ଉଦଘାଟନ କରିଥିଲେ । ସମ୍ମାନିତ ଅତିଥିରୂପେ ପାଟଣାଗଡ଼ ଉଦ୍ୟାନ କୃଷି ଅଧିକାରୀ ପ୍ରମୋଦ କୁମାର ସେଠି, ଖପ୍ରାଖୋଲ ବ୍ଲକ କୃଷି ଅଧିକାରୀ ଡ଼ମ୍ବରୁଧର ମେହେର, ବ୍ଲକ ପ୍ରାଣୀସମ୍ପଦ ଅଧିକାରୀ ଡା ସୁଜିତ ଶତପଥି, ମୃତ୍ତିକା ବିଶେଷଜ୍ଞ ବିମ୍ବାଧର ସାହୁ, ପାଟଣାଗଡ ସହକାରୀ କୃଷି ଅଧିକାରୀ ପିଙ୍କୁସେନ କର, ଖପ୍ରାଖୋଲ ସହକାରୀ କୃଷି ଅଧିକାରୀ ସୁଜିତ କୁମାର ଭୋଇ, ନାନ୍ଦୁପଲା ସରପଞ୍ଚ ନିଁଳେନ୍ଦ୍ରି ପୁଝାରୀ ପ୍ରମୁଖ ଯୋଗଦେଇଥିଲେ । କୃଷିର ସାମଗ୍ରିକ ବିକାଶ ସହିତ ବିଭିନ୍ନ ସରକାରୀ ଯୋଜନା ଉପରେ ଅତିଥି ମାନେ ଆଲୋକପାତ କରିଥିଲେ । ଏହି ଅବସରରେ ମୁଖ୍ୟ ଅତିଥି କିଛି ଚାଷୀଙ୍କୁ ମାଟି ପରୀକ୍ଷା କାର୍ଡ ବଣ୍ଟନ କରିବା ସହ ୯ ଟି ଏସଏଚଜି କୁ ଆର୍ଥିକ ସହାୟତା ପ୍ରଦାନ କରିଥିଲେ । ବୈଠକରେ କୃଷି ବିଭାଗ କର୍ମଚାରୀ ସହ ଚାଷୀମାନେ ଉପସ୍ଥିତ ଥିଲେ ।
