ଭୁବନେଶ୍ୱର : ରାଜ୍ୟରେ ଦ୍ରୁତ ଗତିରେ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଆଜି ସକାଳେ ୭୪ ନୂଆ ପଜିଟିଭ ଚିହ୍ନଟ ହୋଇଥିବା ବେଳେ ଅପରାହ୍ନରେ ଆଉ ୧୧ଜଣ ଆକ୍ରାନ୍ତ ଚିହ୍ନଟ ହୋଇଥିଲେ । ଏହି ୧୧ଜଣ କଳାହାଣ୍ଡି ଜିଲ୍ଲାର । ସେମାନଙ୍କ ମଧ୍ୟରୁ ୧୦ଜଣ ରାଜ୍ୟ ବାହାରୁ ଆସିଥିଲେ । ସେମାନେ ମହାରାଷ୍ଟ୍ର, ଗୁଜୁରାଟ ଓ ଛତିଶଗଡରୁ ଫେରି କ୍ୱାରାଣ୍ଟାଇନ କେନ୍ଦ୍ରରେ ଥିଲେ । ଅନ୍ୟ ଜଣଙ୍କ ଟେପରାରି ମେଡିକାଲ ସେଣ୍ଟରର ସୁପରଭାଇଜର ବୋଲି କଳାହାଣ୍ଡି ଜିଲ୍ଲାପାଳ ସୂଚନା ଦେଇଛନ୍ତି । ଏହା ପୂର୍ବରୁ ଆଜି ସକାଳେ ୭୪ଜଣ ଚିହ୍ନଟ ହୋଇଥିଲେ । ବୌଦ୍ଧରୁ ସର୍ବାଧିକ ୨୮ ପଜିଟିଭ୍ ଏମାନଙ୍କ ମଧ୍ୟରେ ଅଛନ୍ତି ।
