ଭୁବନେଶ୍ୱର: ରାଜ୍ୟରେ କରୋନା ପଜିଟିଭ ସଂଖ୍ୟା ଯେଭଳି ଦ୍ରୁତଗତିରେ ମାଡି ଚାଲିଛି ସୁସ୍ଥ ହେବା ଖବର ମଧ୍ୟ ସେଭଳି ନଜର ଆସୁଛି । ଏହା ଭିତରେ ଆଜି ରାଜ୍ୟରେ ପୁଣି ୫୦ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଗଞ୍ଜାମରୁ ୨୨ଜଣ, ବାଲେଶ୍ୱରରୁ ୧୫ଜଣ, ଭଦ୍ରକରୁ ୫ଜଣ , ବୌଦ୍ଧ ଓ ଗଞ୍ଜାମରୁ ୩ଜଣ ଲେଖାଏଁ , ମୟୁରଭଞ୍ଜ ଓ ରାଉରକେଲାରୁ ଜଣେ ଲେଖାଏଁ ସୁସ୍ଥ ହୋଇଛନ୍ତି । ଏପର୍ଯ୍ୟନ୍ତ ଆଜିର ୫୦ସୁସ୍ଥଙ୍କୁ ମିଶାଇ ୩୯୩ଜଣ ଆକ୍ରାନ୍ତ ସୁସ୍ଥ ହେଲାଣି ବୋଲି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି ।
