ବୌଦ୍ଧ:ବୌଦ୍ଧବ୍ଲକ ବାଉଁଶୁଣୀ ଛକରୁ ବାଉଁଶୁଣୀ ଗ୍ରାମକୁ ଯାଇଥିବା ରାସ୍ତାକାମ ଚାଲିଛି କିନ୍ତୁ ଏହି ରାସ୍ତାକାମ ନିମ୍ନମାନର ହେଉଥିବା ଗ୍ରାମବାସୀ ଅଭିଯୋଗ କରିଛନ୍ତି । ବୌଦ୍ଧ ପୂର୍ତ୍ତ (ରାସ୍ତା ଓ କୋଠାବାଡି) ବିଭାଜନ ପକ୍ଷରୁ ବାଉଁଶୁଣୀ ଗ୍ରାମକୁ ଯାଇଥିବା ରାସ୍ତାର ପ୍ରଶସ୍ତିକରଣ କାର୍ଯ୍ୟ ଚାଲୁରହିଛି । ବାଉଁଶୁଣୀ ଥାନାରୁ ଟିକିଏ ଆଗକୁ ହେଉଥିବା ରାସ୍ତାର ଉଭୟ ପାଶ୍ୱର୍ କିଛି ଖୋଳାଯାଇ ତା ଉପରେ ବାଲି ପକାଯାଇଥିବା ଦେଖିବାକୁ ମିଳିଥିଲା ।
ବାଲି ଉପରେ ମେଟାଲ ପଡିବା ବଦଳରେ ଆଶ୍ଚର୍ଯ୍ୟଜନକ ଭାବେ ଠିକାଦାର ମାଟିପକାଇ ଘୋଡାଇ ଦେଉଥିବା ଦେଖିବାକୁ ମିଳିଛି । ଫଳରେ ଲୋକଙ୍କ ମନରେ ତୀବ୍ର ପ୍ରତିକ୍ରିୟା ସୃଷ୍ଟି ହେବାସହ ନିମ୍ନମାନର କାମ ହେଉଥିବା ଅଭିଯୋଗ କରିଛନ୍ତି । କାମ ଚାଲିଥିବାବେଳେ ପୂର୍ତ୍ତ ବିଭାଗର କୌଣସି କର୍ମଚାରୀ କିମ୍ବା ଜେଇ ଉପସ୍ଥିତ ରହୁନଥିବାରୁ ନିମ୍ନମାନର କାମ କରିବାକୁ ଠିକାଦାରଙ୍କୁ ସୁଯୋଗ ମିଳୁଥିବା ଆଲୋଚନା ହେଉଛି । ପୂର୍ତ୍ତବିଭାଗ ଏ ଦିଗରେ ତଦନ୍ତକରି କାର୍ଯ୍ୟାନୁଷ୍ଠାନ ନେବାକୁ ଜନସାଧାରଣରେ ଦାବି ହେଉଛି ।
