ବାଲିଗୁଡ଼ା: କନ୍ଧମାଳ ଜିଲ୍ଲା ବାଲିଗୁଡ଼ା ପୋଲିସ୍ ପକ୍ଷରୁ ଗାଡ଼ି ଯାଞ୍ଚ୍ ବେଳେ ଗଞ୍ଜେଇ ସହ ମୋଟରସାଇକେଲ ଜବତ । ଘଟଣାରେ ଜଣେ ଚାଲାଣକରୀକୁ ଗିରଫ କରିବାସହ ଚାଲାଣକାରୀ ନିକଟରୁ ୧୨କେଜି ୩୦୦ ଗଞେଇସହ ନଗଦ ୧୦ହଜାର ପାଞ୍ଚଶହ ଟଙ୍କା ଜବତ କରିଛି ପୋଲିସ୍ । ସୂଚନା ପ୍ରକାରେ ବାଲିଗୁଡ଼ା ଅଞ୍ଚଳରୁ ଗଞେଇ ଚୋରାଚାଲାଣ ଚାଲିଥିବା ନେଇ ପୋଲିସ୍ ସୂଚନା ପାଇଥିଲା । ବାଲିଗୁଡ଼ା ଥାନା ମହାସିଙ୍ଗି ନିକଟ ଏକଲବ୍ୟ ମୋଡେଲ ଆବାସିକ ବିଦ୍ୟାଳୟ ନିକଟରେ ବାଲିଗୁଡ଼ା ପୋଲିସ୍ ପକ୍ଷରୁ ଗାଡ଼ି ଯାଞ୍ଚ୍ କରାଯାଉଥିବା ସମୟରେ OD 05W 1527 ନମ୍ବର ଯୁକ୍ତ ଏକ ମୋଟରସାଇକେଲ ଦୃତ ଗତିରେ ଆସିଥିଲା । ପୋଲିସ୍ ମୋଟରସାଇକେଲ କୁ ଅଟକାଇଥିଲେ ମଧ୍ୟ ଚଳକ ଅଟକିନଥିଲା, ଫଳରେ ପୋଲିସ୍ ପିଛାକରି ମୋଟରସାଇକେଲ ଓ ଚାଳକକୁ କାବୁ କରିବାରେ ସକ୍ଷମ ହୋଇଥିଲା । ଚାଲାଣକାରୀ ନିକଟରୁ ୧୨କେଜି ୩୦୦ ଗ୍ରାମ ଗଞେଇ ସହ ନଗଦ ୧୦ହଜାର ୫୦୦ଟଙ୍କା ଓ ଚାଲାଣରେ ବ୍ୟବହୃତ ମୋଟରସାଇକେଲ କୁ ଜବତ୍ କରି ଚାଲାଣକାରୀକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ୍ । ଗିରଫ ଚାଲାଣକାରୀ ଗଜପତି ଜିଲ୍ଲା ଅଡ଼ବା ଥାନା ଅଞ୍ଚଳର ଯଶୋବନ୍ତ ବିରାଟ ବୋଲି ଡିଏସପି ମନୋଜ କୁମାର ପୁଜାରୀ ସୂଚନା ଦେଇଛନ୍ତି ।
