ସମ୍ବଲପୁର:- ଏକ ଅଜଣା ବୋଲେରୋ ଭ୍ୟାନ ଧକ୍କାରେ ଜଣେ ସ୍କୁଟି ଚାଳକଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି । ଏହି ଦୁର୍ଘଟଣା ଗତକାଲି ସନ୍ଧ୍ୟା ପ୍ରାୟ ୭ଟା ସମୟରେ ଘଟିଛି ଓ ମୃତ ବ୍ୟକ୍ତି ଜଣକ ହେଲେ ଦିବ୍ୟଲୋଚନ ବାଗ (୪୫) ଓ ସେ ସ୍ଥାନୀୟ ଭବାନୀପାଲି ନିବାସୀ ବୋଲି ମିଳିଥିବା ଖବରରୁ ଜଣାପଡିଛି । ଗତକାଲି ସନ୍ଧ୍ୟାରେ ସେ ନିଜ ଘରକୁ ଫେରୁଥିବା ସମୟରେ ସାମନା ଆଡୁ ଏକ ବୋଲେରୋ ଦ୍ରୁତଗତିରେ ଆସୁଥିଲା ଓ ନିୟନ୍ତ୍ରଣ ହରାଇ ତାଙ୍କୁ ଧକ୍କା ଦେଇଥିଲା । ଖବର ପାଇ ସ୍ଥାନୀୟ ସଦର ଥାନାରୁ ଏକ ପୁଲିସ ଦଳ ଘଟଣାସ୍ଥଳରେ ପହଞ୍ଚି ମୃତଦେହ ଓ ଦୁର୍ଘଟଣାଗ୍ରସ୍ତ ସ୍କୁଟି, ଓଡି ୧୫ ସି ୭୭୦୦ କୁ ନିଜ କବ୍ଜାରେ ନେଇଥିଲେ । ଏହି ସନ୍ଦର୍ଭରେ ସଦରଥାନା ରେ ଏକ ମାମଲା ରୁଜୁ କରାଯାଇଛି ଓ ପୁଲିସ ଏହାର ତଦନ୍ତ କରୁଛି ।
