ପୁରୀ : ଶ୍ରୀମନ୍ଦିର ଭିତର କାଠ ନିକଟରେ ପର୍ସ ଚୋରି କରିବା ଅଭିଯୋଗରେ ଜଣେ ମହିଳାଙ୍କୁ ଗିରଫ କରିଛି ସିଂହଦ୍ୱାର ଥାନା ପୋଲିସ । ଅଭିଯୁକ୍ତ ଜଣକ ହେଉଛନ୍ତି ପୁରୀ ସତ୍ୟବାଦୀ ଅଂଚଳର ମଞ୍ଜୁ ବରାଳ । ଜଣେ ମହିଳା ତାଙ୍କ ପରିବାର ସହ ଶ୍ରୀମନ୍ଦିର ଆସି ଭିତର କାଠ ନିକଟରେ ମହାପ୍ରଭୁଙ୍କ ଦର୍ଶନ କରୁଥିବା ସମୟରେ ଅଭିଯୁକ୍ତ ଜଣକ ତାଙ୍କ ପର୍ସ ଝାମ୍ପି ନେଇଥିଲେ । ଏହାକୁ ନେଇ ସିଂହଦ୍ୱାର ଥାନାରେ ଏକ ଏତଲା ଦେଇଥିଲେ ଅଭିଯୋଗକାରୀ । ଏତଲା ଆଧାରରେ ସତ୍ୟବାଦୀ ଅଂଚଳ ମଞ୍ଜୁ ବରାଳଙ୍କୁ ଗିରଫ କରି କୋର୍ଟ ଚାଲାଣ କରିଛି ସିଂହଦ୍ୱାର ଥାନା ପୋଲିସ । ଅଭିଯୁକ୍ତ ଠାରୁ ପର୍ସ ଏବଂ ୯ହଜାର ଟଙ୍କା ଜବତ କରାଯାଇଛି ।
