ଦଶପଲ୍ଲା : ଓଡ଼ଗାଁ ଥାନା କୁରାଳ ଗ୍ରାମର ଅମ୍ରିତ୍ ପାତ୍ର ଅପହରଣ ହେବାର ପାଞ୍ଚ ଦିନ ପରେ ଗ୍ରାମର ଏକ ପରିତ୍ୟକ୍ତ ଘରୁ ଉଦ୍ଧାର ହୋଇଛି । ଅପହରଣ ପଛରେ ଥିବା ଷଡ଼ଯନ୍ତ୍ରର ମହାଖୁଲାସା ଆଜି ହେବ ବୋଲି ସୂଚନା ଦେଇଛନ୍ତି ନୟାଗଡ଼ ଏସ୍ ପି ଅଲେଖ ଚନ୍ଦ୍ର ପହି ।
ମୁଖ୍ୟ ଅଭିଯୁକ୍ତ ସ୍ୱପ୍ନ ଦର୍ଶନ ପଣ୍ଡା, ଭକ୍ତ ଦର୍ଶନ ପଣ୍ଡା ଏବଂ ସୁନୀଲ କୁମାର ପାଣିଗ୍ରାହୀଙ୍କୁ ଗିରଫ କରିଛି ପୋଲିସ୍ । ଗତକାଲି, ତିନି ଅଭିଯୁକ୍ତଙ୍କୁ ନେ଼ଇ ଅପହରଣର ଡେମୋ ସଂଗ୍ରହ କରିଛି ପୋଲିସ୍ । ଏହି ଅପହରଣ ପଛରେ ଥିବା ଷଡ଼ଯନ୍ତ୍ରର କିଛି ସୂଚନା ମିଳିଥିବା ବିଶେଷ ସୂତ୍ରରୁ ଜଣାପଡିଛି । ଅପହରଣକାରୀମାନେ ଅପହରଣ କରିବା ସମୟରେ ହିନ୍ଦୀରେ କଥାବାର୍ତ୍ତା ହୋଇ ଥିବା ବେଳେ ବିଭିନ୍ନ ଜାଗା ବୁଲାଇ ବୁଲାଇ ଶେଷରେ ନିଜ ଗ୍ରାମର ଏକ ପରିତ୍ୟକ୍ତ କୋଠା ଭିତରେ ଆଣି ରଖିଥିଲେ ।
