ଦଶପଲ୍ଲା : ଆଜି ବର୍ଣ୍ଣାଢ୍ୟ ପରିବେଶ ମଧ୍ୟରେ ନୂଆଗାଁ ବ୍ଳକ ଅନ୍ତର୍ଗତ ଡିମିରିଝରୀ ହାଇସ୍କୁଲଠାରେ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ (ଓଷ୍ଟା)ର ନୟାଗଡ ଜିଲ୍ଲା ସ୍ତରୀୟ ଶିଶୁମେଳା ଉଦଘାଟିତ ହୋଇଯାଇଛି । ଜିଲ୍ଲା ସଭାପତି ଅଯୋଧ୍ୟାନାଥ ନାୟକ ସଂଘର ପତାକା ଉତ୍ତୋଳନ କରିଥିଲେ । ସରପଞ୍ଚ ପ୍ରତିନିଧି ବନମାଳୀ ପ୍ରଧାନ ଉତ୍ସବକୁ ଉଦଘାଟନ କରିଥିଲେ । ଜିଲ୍ଲା ସଭାପତିଙ୍କ ସଭାପତିତ୍ୱରେ ଆୟୋଜିତ ଉଦଘାଟନୀ ଉତ୍ସବରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ବସନ୍ତ କୁମାର ନାୟକ ମୁଖ୍ୟ ଅତିଥି ରୂପେ ଯୋଗଦେଇଥିଲେ । ଉତ୍ସବରେ ବ୍ଲକ ଅତିରିକ୍ତ ଶିକ୍ଷା ଅଧିକାରୀ ଉମେଶଚନ୍ଦ୍ର କର, ପୂର୍ବତନ ଜିଲ୍ଲା ସମ୍ପାଦକ କିଶୋରଚନ୍ଦ୍ର ପରମଗୁରୁ , ଓଷ୍ଟାର ରାଜ୍ୟ ସଂପାଦକ ବିନାୟକ ପରିଡ଼ା, ରାଜ୍ୟ କାର୍ଯ୍ୟକାରୀ କମିଟି ସଭ୍ୟ ଗୋଲଖ ବିହାରୀ ସାହୁ, କାର୍ଯ୍ୟକାରୀ ସଭାପତି ପଦ୍ମଚରଣ ବିଶ୍ୱାଳ,ଜିଲ୍ଲା ସଂପାଦକ ମାଣିକେଶ୍ୱର ସ୍ୱାଇଁ, ଉପସଭାପତି ମିନତି ତ୍ରିପାଠୀ, ପ୍ରଧାନଶିକ୍ଷକ ସୁଧିର କୁମାର ସାହୁ , ସଂଗଠନ ସଂପାଦକ ତଥା ନୂଆଗାଁ ବ୍ଳକ ସମ୍ପାଦକ ପ୍ରଶାନ୍ତ କୁମାର ପ୍ରଧାନ , ସମସ୍ତ ବ୍ଲକ ସମ୍ପାଦକ, ଜିଲ୍ଲା କାର୍ଯ୍ୟକାରୀ କମିଟି ସଭ୍ୟ ପ୍ରମୁଖ ଉପସ୍ଥିତ ଥିଲେ । ଦିବସ ବ୍ୟାପୀ ଜିଲ୍ଲାର ୮ ଟି ବ୍ଳକରୁ ମନୋନୀତ ପ୍ରତିଯୋଗୀ ମାନଙ୍କ ମଧ୍ୟରେ ଜିଲ୍ଲା ସ୍ତରୀୟ ପ୍ରତିଯୋଗୀତା ଅନୁଷ୍ଠିତ ହେବା ସହିତ ଅପରାହ୍ନରେ ସାଂସ୍କୃତିକ କାର୍ଯ୍ୟକ୍ରମ ସହିତ ପୁରସ୍କାର ବିତରଣୀ ଉତ୍ସବ ଅନୁଷ୍ଠିତ ହେବ ବୋଲି କର୍ମକର୍ତ୍ତା ମାନେ ଗଣମାଧ୍ୟମ କୁ ଅବଗତ କରିଛନ୍ତି ।
