ହରଭଙ୍ଗା,୨୩/୧୨- ବୌଦ୍ଧର ୫୭ନଂ ଜାତୀୟ ରାଜପଥରେ ସଡକ ଦୁର୍ଘଟଣାରେ ଆହତ ପରିବାରକୁ ଡାକ୍ତରଖାନାରେ ପହଞ୍ଚାଇ ସହାୟତାର ହାତ ।ବଢ଼ାଇଛନ୍ତି ହୀରାଞ୍ଚଳ ଖବରକାଗଜ ହରଭଙ୍ଗା ବ୍ଲକ ପ୍ରତିନିଧି ବିଭୁଦତ୍ତ ବୋଷ । ସୂଚନା ଅନୁଯାୟୀ ଦଶପଲ୍ଲାରୁ କୌଣସି କାର୍ଯ୍ୟରେ ବୌଦ୍ଧ ଅଭିମୁଖେ ଗୋଟୀଏ ପରିବାରର ସ୍ୱାମୀ, ସ୍ତ୍ରୀ ଓ ଛୋଟପୁଅକୁ ନେଇ ଏକ ସ୍କୁଟି ଯୋଗେ ଆସୁଥିବା ସମୟରେ ୫୭ନଂ ଜାତୀୟ ରାଜପଥ କଖାରୁଫାଳ ନିକଟରେ ଗାଡି ଖାଲରେ ପଡି ଭାରସାମ୍ୟ ହରାଇବାରୁ ଗାଡ଼ିରେ ବସିଥିବା ମହିଳା ଓ ଛୋଟ ପୁଅ ଗାଡିରୁ ଛିଟିକି ପଡି ଗୁରୁତର ଆହତ ହୋଇଥିଲେ । ଏହି ସମୟରେ ସାମ୍ବାଦିକ ଶ୍ରୀ ବୋଷ ସେହି ବାଟ ଦେଇ ଆସୁଥିବାବେଳେ ଦୁର୍ଘଟଣା ଦେଖି ଗୁରୁତରଙ୍କୁ ସଙ୍ଗେ ସଙ୍ଗେ ସ୍ଥାନୀୟ ଆଡେଣୀଗଡ଼ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇ ଚିକିତ୍ସା କରାଇଥିଲେ ।
