କୋକସରା: କଳାହାଣ୍ଡି ଜିଲ୍ଲା କୋକସରା ବ୍ଲକ ଲଡୁଗାଁର ଯୁବ ଆଇନଜୀବୀ ତଥା କୋକସରା ବାର ଆସୋସିଏସନର ସମ୍ପାଦକ ଗଗନ ବିହାରୀ ମହାନନ୍ଦଙ୍କ ବୁଧବାର ବିୟୋଗ ହୋଇଛି । ମୃତ୍ୟୁ ବେଳକୁ ତାଙ୍କୁ ୪୫ ବର୍ଷ ବୟସ ହୋଇଥିଲା । କିଛି ମାସ ହେଲା ସେ ଅସୁସ୍ଥ ରହି ମେଡିକାଲରୁ ଆସି ଶ୍ୱଶୁର ଘରେ ରହିଥିଲେ । ସେ ଜଣେ ଜଣାଶୁଣା ଆଇନଜୀବୀ ଭାବେ ଅଞ୍ଚଳରେ ବେଶ୍ ପରିଚିତ ଥିଲେ । ତାଙ୍କ ବିୟୋଗରେ କୋକସରା ଅଞ୍ଚଳବାସୀ ତଥା ଆଇନଜୀବୀ ମହଲରେ ଶୋକର ଛାୟା ଖେଳିଯାଇଛି । ମୃତ୍ୟୁ ଶଯ୍ୟା ସମୟରେ ସ୍ତ୍ରୀ, ଦୁଇ ପୁଅ ଓ ସମ୍ପର୍କୀୟମାନେ ଉପସ୍ଥିତ ରହିଥିଲେ । ତାଙ୍କ ଶେଷକୃତ୍ୟ ଶୋକାକୂଳ ପରିବେଶ ମଧ୍ୟରେ ସମ୍ପନ୍ନ ହୋଇଥିବାବେଳେ ମଝିଆ ଭାଇ ତପନ କେଶରୀ ମହାନନ୍ଦ, ବଡ଼ ପୁଅ ଶେଖର ମହାନନ୍ଦ ଓ ସାନ ପୁଅ ଶୁଭମ ମହାନନ୍ଦ ମୁଖାଗ୍ନି ଦେଇଥିଲେ ।
