ହରଭଙ୍ଗା : ହରଭଙ୍ଗା ବ୍ଲକ ତିଲେଶ୍ୱର ଫକୀର ଚରଣ ଖେଳ ପଡିଆରେ ତିଲେଶ୍ୱର ଫ୍ରେଣ୍ଡସ ଆସୋସିଏସନ ଆନୁକୂଲ୍ୟରେ ଆୟୋଜିତ ୨୦୨୨ତିଲେଶ୍ୱର କପର ଆଜି ଅନ୍ତିମ ଦିବସ ବା ଫାଇନାଲ ଖେଳ ଅନୁଷ୍ଠିତ ହୋଇଯାଇଛି । ଫାଇନାଲରେ ବିଏସଏସ ଫୁଟବଲ କ୍ଳବ ଭଦ୍ରକ ଓ ଜାଗା ୟୁନାଇଟେଡ଼ ଫୁଟବଲ କ୍ଳବ ଭୁବନେଶ୍ୱର ମଧ୍ୟରେ ସଂଘର୍ଷ ପୂର୍ଣ୍ଣ ଖେଳ ହୋଇଥିଲା । ନିର୍ଦ୍ଧାରିତ ସମୟ ମଧ୍ୟରେ ଉଭୟ ଦଳଙ୍କ ସ୍କୋର ୧-୧ ସ୍ଥିତିରେ ରହିଥିଲା । ଫଳ ଘୋଷଣା ପାଇଁ ସୁଟଆଉଟ୍ର ସହାୟତା ନିଆଯାଇଥିଲା । ଏଥିରେ ଭୁବନେଶ୍ୱର ଦଳ ୪-୧ରେ ଭଦ୍ରକ ହରାଇ ଚାମ୍ପିୟନ ଆଖ୍ୟା ଅର୍ଜନ କରିଥିଲା ।
ଫାଇନାଲ ଖେଳରେ ମୁଖ୍ୟ ଅତିଥିଭାବେ ଶ୍ରୀ ସାଇକୃପା ଚାରିଟେବୁଲ ଟ୍ରଷ୍ଟ ଶିଶୁପାଳ ଗଡ଼ ଭୁବନେଶ୍ୱରର ଚେୟାର ମ୍ୟାନ ସଦାଶିବ ଦାସ, ସାଇ କୃପା ଚାରିଟେବୁଲ ଟ୍ରଷ୍ଟର ସମାଜସେବୀ ବୈକୁଣ୍ଠ ପଟ୍ଟନାୟକ, ସମାଜ ସେବିକା ସୌଦାମିନୀ ରାଉତ ଉପସ୍ଥିତ ରହିଥିଲେ । ପରିଚାଳନା କମିଟିର ସଭାପତି ସ୍ଥାନୀୟ ସରପଞ୍ଚ ଝୁନୁ ବେହେରା, ସମ୍ପାଦକ ରମେଶ କୁମାର ସାମଲ, ଉପ ସଭାପତି ଦେବରାଜ ପ୍ରଧାନ, ରସାନନ୍ଦ ଭୋକ୍ତା, ସୁଜ୍ଞାନ କର୍ଣ୍ଣ, ନିକୁଞ୍ଜ କୁମାର ବେହେରାଙ୍କ ସମେତ କମିଟିର ସମସ୍ତ ସଦସ୍ୟ ଉପସ୍ଥିତ ଥିବା ବେଳେ ବିଜେତା ଓ ପରାଜିତ ଦଳକୁ ଟ୍ରଫି ସହ ପୁରସ୍କାର ରାଶି ପ୍ରଦାନ କରାଯାଇଥିଲା ।
