ଭୁବନେଶ୍ୱର : ଓଡିଆ ଚଳଚ୍ଚିତ୍ର ଜଗତର ଲୋକପ୍ରିୟ ବରିଷ୍ଠ ଅଭିନେତା ବିଜୟ ମହାନ୍ତି ଆଜି ଓଡିଶା ମାଟିରେ ପହଞ୍ଚିଛନ୍ତି । ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀଙ୍କ ଉଦ୍ୟମ କ୍ରମେ ସେ ଗତକାଲି ଏକ ଉନ୍ନତମାନର ଆମ୍ବୁଲାନ୍ସରେ ସଡକପଥ ଯୋଗେ ଭୁବନେଶ୍ୱରରେ ପହଞ୍ଚିବା ପରେ ତାଙ୍କୁ ପୁଣି ଏକ ଘରୋଇ ହସ୍ପିଟାଲରେ ଚିକିତ୍ସା ଜାରି ରଖିବା ପାଇଁ ଭର୍ତ୍ତି କରାଯାଇଛି । ଅଭିନେତା ଶ୍ରୀ ମହାନ୍ତିଙ୍କ ସହିତ ତାଙ୍କ ପତ୍ନୀ ଓ ଝିଅ ମଧ୍ୟ ଭୁବନେଶ୍ୱର ପହଞ୍ଚିଛି । ବିଜୟ ଭୁବନେଶ୍ୱରରେ ପହଞ୍ଚିବା ପରେ ତାଙ୍କୁ ଭଲ ପାଉଥିବା ବହୁ ଶୁଭେଚ୍ଛୁ, ସାଧାରଣ ଲୋକ ଦେଖିବା ପାଇଁ ବ୍ୟାକୁଳ ହୋଇଥିଲେ । ତେବେ ପୁଲିସର କଡା ସୁରକ୍ଷା ମଧ୍ୟରେ ଶ୍ରୀ ମହାନ୍ତିଙ୍କୁ ଅଧିକ ଚିକିତ୍ସା ପାଇଁ ହସ୍ପିଟାଲରେ ପହଞ୍ଚାଯାଇଛି । ସୂଚନାଅନୁଯାୟୀ ସେ ଏଠାରୁ କଟକ ରୋଡ ସ୍ଥିତ ନିଜ ଘରକୁ ଖୁବଶୀଘ୍ର ଫେରିଯିବେ ବୋଲି ପରିବାର ସୂତ୍ରରୁ ଜଣାପଡିଛି ।
