ଦଶପଲ୍ଲା : ଦଶପଲ୍ଲା ସ୍ୱାଭିମାନ ମଞ୍ଚ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ବିଜେଡିର ବହୁ ପୁରୁଖା କର୍ମୀ ଓ ନେତୃତ୍ୱ ସାମିଲ ହୋଇଥିଲେ । ପୂର୍ବତନ ବିଜେଡି ଜିଲ୍ଲା ଉପସଭାପତି ତଥା ସ୍ୱାଭିମାନ ମଞ୍ଚ ଆବାହକ ପ୍ରଦୋଷ କୁମାର ଜେନାଙ୍କ ନେତୃତ୍ୱରେ ଏହି ବିଜୁ ଜୟନ୍ତୀ ଉତ୍ସବ ପାଳିତ କରାଯାଇଥିଲା । ଦଳର କର୍ମୀମାନେ ମେଡିକାଲ ଛକ ସ୍ଥିତ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ । ପରେ ଦଳର କର୍ମୀମାନେ ଡାକ୍ତରଖାନାରେ ପହଁଚି ରୋଗୀମାନଙ୍କୁ ଫଳ ବଣ୍ଟନ କରିବା ସ୍ୱାସ୍ଥ୍ୟବସ୍ଥା କଥା ପଚାରି ବୁଝିଥିଲେ । କର୍ମକର୍ତ୍ତା ମାନେ ମହୁଲିଆସ୍ଥିତ ବୁଦ୍ଧାଶ୍ରମରେ ପହଁଚି ଖାଦ୍ୟ ବଣ୍ଟନ କରିବା ସହ ବୃଦ୍ଧାଶ୍ରମ ବାସୀଙ୍କ ସମ୍ପର୍କରେ ଆଲୋଚନା କରିଥିଲେ । ଏହି କାର୍ଯ୍ୟକ୍ରମରେ ବିଜ୍ଞାପିତ ଅଞ୍ଚଳ ପରିଷଦ ଅଧ୍ୟକ୍ଷା ପୁନମ ପ୍ରିୟଦର୍ଶିନୀ, ପୂର୍ବତନ ବିଜେଡି ବ୍ଲକ ସଭାପତି ତଥା ସମିତିସଭ୍ୟ ବାପୁଜୀ ସାହୁ, ପୂର୍ବତନ ବିଜେଡି ବ୍ଲକ ସଭାପତି ପ୍ରାଣକୃଷ୍ଣ ବେହେରା, ପୂର୍ବତନ ସରପଞ୍ଚ ରବିନ୍ଦ୍ର ସେଠି, ସମସ୍ତ ସ୍ୱାଧୀନ କାଉନସିଲରଙ୍କ ସମେତ ବହୁ ପୁରୁଖା କର୍ମୀ ଓ ନେତୃତ୍ୱମାନେ ସାମିଲ ହୋଇଥିଲେ । ବିଜୁ ଜୟନ୍ତୀ ଅବସରରେ ଅପରାହ୍ନରେ ସ୍ଥାନୀୟ ଲୁଣି ବଗିଚାଠାରେ ସ୍ୱାଭିମାନ ମଞ୍ଚ ପକ୍ଷରୁ ଏକ ବୈଠକ କରାଯିବା ପାଇଁ ନିଷ୍ପତ୍ତି ହୋଇଥିବା ଜଣାପଡିଛି ।
