ସିନାପାଲି : ନୂଆପଡା ଜିଲ୍ଲା ସିନାପାଲି ବ୍ଲକ ସଦର ସିନାପାଲି ମହାବିଦ୍ୟାଳୟରେ ୩୭ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ମୁଖ୍ୟ ଅତିଥି ଭାବେ ଖଡିଆଳ ବିଧାୟକ ଅଧିରାଜ ମୋହନ ପାଣିଗ୍ରାହୀ ଯୋଗଦାନ କରିଥିବା ବେଳେ ମୁଖ୍ୟବକ୍ତା ଭାବେ ସାମୁଏଲ୍ ଦାନି, ସିନାପାଲି ମହାବିଦ୍ୟାଳୟ ପ୍ରିନ୍ସିପାଲ ଏବି ଡୁଙ୍ଗଡୁଙ୍ଗ, ସମ୍ମାନିତ ଅତିଥି ଭାବେ ଆଇନଜୀବୀ ବୈଷମ୍ଫାୟନ ମେହେର, ସିନାପାଲି ମହାବିଦ୍ୟାଳୟ ପ୍ରାଧ୍ୟାପକ ରଜନୀ କାନ୍ତ ମେହେର ମଂଚାସୀନ ଥିଲେ । ଏହି ଉତ୍ସବରେ ସିନାପାଲି ମହାବିଦ୍ୟାଳୟ ପ୍ରିନ୍ସିପାଲ ଶ୍ରୀମତି ଡୁଙ୍ଗଡୁଙ୍ଗଙ୍କ ସଭାପତିତ୍ୱରେ ମଂଚ ପରିଚାଳନା କରିଥିବା ବେଳେ ବିରେନ୍ଦ୍ର କୁମାର ବେହେରା ଅତିଥି ପରିଚୟ ତଥା ସ୍ୱାଗତ କରିଥିଲେ । ଏହି କାର୍ଯ୍ୟକ୍ରମରେ ପ୍ରଥମେ ଅତିଥି ମାନେ ଭଗବାନ ଗଣେଶଙ୍କ ମୂର୍ତ୍ତିରେ ମାଲ୍ୟାର୍ପଣ କରି ଦୀପ ପ୍ରଜ୍ୱଳିତ କରିଥିବା ବେଳେ ସିନାପାଲି ମହାବିଦ୍ୟାଳୟର ଛାତ୍ରୀ ମାନେ ସ୍ୱାଗତ ସଂଗୀତ ଗାନ କରିଥିଲେ । ଏହି କାର୍ଯ୍ୟକ୍ରମରେ ମହାବିଦ୍ୟାଳୟ ୩୭ ତମ ବାର୍ଷିକ ଉତ୍ସବ ବିବରଣୀ ରଜନୀକାନ୍ତ ମେହେର ପଠନ କରିଥିଲେ । ଏହି ଅବସରରେ ଅଧ୍ୟାପକ ଉଦୟନାଥ ନାଏକ, ଟଙ୍କଧର ସାହୁ, ପ୍ରମୋଜନ ମିଶ୍ର, ହେମନାଥ ଭୋଇ, ଲିପି ପୁଷ୍ପା ନାଏକ, ଅଯୋଧ୍ୟା ଦାସ, ଲିପସା କୁମାର, ଇତିଶ୍ରୀ ସାହୁ, ପୁଷ୍ପିତା ମେହେର, ନିତେଷ ମେହେର ସମେତ ଅନ୍ୟାନ୍ୟ କର୍ମଚାରୀ ଉପସ୍ଥିତ ଥିଲେ । ଏହି ଉତ୍ସବରେ ଛାତ୍ରଛାତ୍ରୀ ମାନଙ୍କ ତରଫରୁ ସାସ୍କୃତିକ କାର୍ଯ୍ୟକ୍ରମ ହୋଇଥିବା ବେଳେ ବିଭିନ୍ନ ପ୍ରତିଯୋଗିତାରେ ଉତ୍ତୀର୍ଣ୍ଣ ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା । ଶେଷରେ ଧନ୍ୟବାଦ ଅର୍ପଣ କ୍ଷେତ୍ରମୋହନ ଦୁରୀଆ ଜଣାଇଥିଲେ ।
