ପୁରୀ : ପୁରୀ ପୋଲିସକୁ ସୋମବାର ଏକ ବଡ଼ ଧରଣର ସଫଳତା ମିଳିଛି । ପୁରୀର ବିଭିନ୍ନ ଥାନା ଅଞ୍ଚଳରେ ଡ଼କାୟତି ଓ ଦାଦାବାଟି ଆଦାୟ କରିବା ଅଭିଯୋଗରେରେ ପୁରୀ ପୋଲିସ ୧୨ ଜଣଙ୍କୁ ଗିରଫ କରିଛି । ଏ ନେଇ ସୋମବାର ଟାଉନ ଥାନା ପରିସରରେ ଆୟୋଜିତ ସାମ୍ବାଦିକ ସମ୍ମିଳନୀରେ ସିଟି ଡିଏସପି କେ କେ ହରିପ୍ରସାଦ ସୂଚନା ଦେଇଛନ୍ତି । ପୁରୀ ଟାଉନ ଅନ୍ତର୍ଗତ ଟାଉନ ଥାନା ଅନ୍ତର୍ଗତ ହରଚଣ୍ଡି ସାହି ଚକ୍ରୋକୋଟ ଲେନ କାଜୁ ଜଙ୍ଗଲରେ ୫ ଜଣ ଦୁର୍ବୃତ୍ତ ଏକାଠି ହୋଇ ଡାକାୟତି ପାଇଁ ଯୋଜନା କରୁଥିବା ବେଳେ ବିଶେଷ ସୂତ୍ରରୁ ଖବର ପାଇ ଟାଉନ ଥାନା ପୋଲିସ ଘଟଣା ସ୍ଥଳରେ ପହଁଚି ଡକାୟତି ଯୋଜନା ପଣ୍ଡ କରିବା ସହ ୫ ଜଣଙ୍କୁ ଗିରଫ କରିଥିଲେ । ଗିରଫ ଅଭିଯୁକ୍ତ ମାନେ ହେଲେ ଗୁଡ଼ିଆ ସାହିର ୩୪ ବର୍ଷୀୟ କେଶବ ପୃଷ୍ଟି , ମାର୍କେଣ୍ଡସ୍ୱର୍ ସାହିର ସିବୁ ନାୟକ, ନୂଆ ପାଟନା ସାହିର ରାକେଶ କୁମାର ରାଉତ, ମଙ୍ଗଳା ଘାଟ ପାଇକ ସାହିର ରଞ୍ଜନ ଷଣ୍ଢ ଓ ଭୂଦାନ ଅଞ୍ଚଳର ରବି ସୁବୁଦ୍ଧି । ସେହିପରି ବାସେଳୀ ସାହି ଥାନା ଅନ୍ତର୍ଗତ ଶଙ୍କରପୁର କାଜୁ ଜଙ୍ଗଲରେ ଡକାୟତି ଯୋଜନା କରୁଥିବା ବେଳେ ବାସେଲି ସାହି ଥାନା ପୋଲିସ ୫ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ହେଲେ ଗୋଖା ସାହିର ଅନିଲ ବେହେରା, ଜଗନାଥ ବସ୍ତିର ମନୋଜ ପଣ୍ଡା, ଗୋ ବାଣ୍ଟିନା ବେହେରା, ଧବଳେଶ୍ୱର ନଗରର ରାଜେଶ କୁମାର ସାହୁ, ଗିନାରିବନ୍ତ କେଶବ ପରିଡ଼ା । ସେହିପରି ସମୁଦ୍ର କୁଳ ଥାନା ପୋଲିସ ଦାଦାବଟି ମାଗିବା ଅଭିଯୋଗରେ ୨ ଜଣଙ୍କୁ ଗିରଫ କରିଛି । ବାଲି ମୋଚି ସାହିର କେ ଶିବା ଓ ଧୋବା ଖାଲର ରମେଶ ବେହେରା । ଗିରଫ ହୋଇଥିବା ଅଭିଯୁକ୍ତ ମାନଙ୍କଠାରୁ ବିଭିନ୍ନ ମାରଣଅସ୍ତ୍ର ସହ ଦୁଇଟି ବାଇକ୍ କିଛି ଟଙ୍କା ଜବତ କରି ଅଭିଯୁକ୍ତମାନଙ୍କୁ ପୁରୀ ପୋଲିସ କୋର୍ଟ ଚାଲାଣ କରିଥିବା ଡିଏସପି କେ କେ ହରିପ୍ରସାଦ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
