ଦାରିଙ୍ଗବାଡ଼ି : ଦାରିଙ୍ଗବାଡ଼ି ବନାଞ୍ଚଳ ଅନ୍ତର୍ଗତ ଏ-ଡକେବାଡ଼ି ଅଞ୍ଚଳରୁ ଏକ କୁଟୁରାକୁ ବନ ବିଭାଗ ପକ୍ଷରୁ ଉଦ୍ଧାର କରାଯାଇଥିବା ନେଇ ବନାଞ୍ଚଳ ଅଧିକାରୀ ସତୀଶ କୁମାର ଧାରୁଆ ସୂଚନା ଦେଇଛନ୍ତି l ସୂଚନା ପ୍ରକାରେ ପାଖ ଜଙ୍ଗଲରୁ ଏକ କୁଟୁରା ଟି ଏ-ଡକେବାଡ଼ି ଅଞ୍ଚଳକୁ ଆସି ଲଡୁକିଶୋର ସାହୁଙ୍କ ଘର ବାରିପଛ ରେ ରହିଥିଲା l କୁଟୁରା ଟି ଜଙ୍ଗଲ ଭିତରୁ ଚାଲିଆସିଥିବା ନେଇ ସାହି ପଡ଼ିଶା ଲୋକଙ୍କ ସହିତ ଲଡୁ କିଶୋର ସାହୁ ଦେଖିବା ପରେ ସେ ନିଜେ ଏନେଇ ବନ ବିଭାଗ ଅଧିକାରୀ ଓ ଥାନାକୁ ସୂଚନା ଦେଇଥିଲେ l ସୂଚନା ପାଇବା ପରେ ବନାଞ୍ଚଳ ଅଧିକାରୀ ଶ୍ରୀ ଧାରୁଆ ଙ୍କ ସମେତ ଫରେଷ୍ଟର ମନ୍ମଥ ପରିଛା, ହରିହର ବେହେରା,ବନରକ୍ଷୀ ସୁବ୍ରତ ନାୟକ ପ୍ରମୁଖ ପହଞ୍ଚି କୁଟୁରା ଟି କୁ ଉଦ୍ଧାର କରିଥିଲେ l ଉଦ୍ଧାର କରିବା ପରେ ଦାରିଙ୍ଗବାଡ଼ି ପଶୁ ଚିକିତ୍ସକ ଚିନ୍ମୟ ସାହୁ କୁଟୁରା ଟି ର ସ୍ୱାସ୍ଥ୍ୟ ପରୀକ୍ଷା କରିବା ପରେ ସେ ସୁସ୍ଥ ଥିବା କହିଥିଲେ ଏହାପରେ ବନବିଭାଗ ତରଫରୁ କୁଟୁରା ଟିକୁ ପୁନର୍ବାର ଘଞ୍ଚ ଜଙ୍ଗଲ ଭିତରେ ଛାଡ଼ି ଦିଆଯାଇଥିଲା l
