ଦଶପଲ୍ଲା : ଓଲଟିଲା ଗୋରୁ ବୋଝେଇ ପିକଅପ ଭ୍ୟାନ । ଦଶପଲ୍ଲା ଥାନା ଅନ୍ତର୍ଗତ ଟାକରା,ବୁଗୁଡା ନିକଟସ୍ଥ ଖରଡ଼ାପିଟା ଘାଟିରେ ଓଲଟିପଡିଛି ଗୋରୁ ବୋଝେଇ ପିକଅପ ଗାଡି । ୫୭ନଂ ଜାତୀୟ ରାଜପଥ ଦେଇ ପିକଅପ ଗାଡି ବେଆଇନ୍ ଗୋରୁ ବୋଝେଇ କରି ଯାଉଥିବା ବେଳେ ଭାରସାମ୍ୟ ହରାଇ ଏଭଳି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି । ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ ଏହି ପିକଅପ୍ ଗାଡିରେ ପ୍ରାୟ୨୦ଟି ଗୋରୁଙ୍କୁ ଅତି ଅମାନୁଷିକ ଭାବରେ ଲଦି ଚାଲାଣ କରାଯାଉଥିଲା । ଏହି ଦୁର୍ଘଟଣାରେ ବହୁ ଗୋରୁ ଆହତ ହୋଇଥିବା ବେଳେ ଘଟଣାସ୍ଥଳରେ ଦଶପଲ୍ଲା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସ୍ଥାନୀୟ ପ୍ରାଣୀଧନ ନୀରିକ୍ଷକ ତପନ କୁମାର ସାହୁ ଘଟଣାସ୍ଥଳରେ ପହଞ୍ଚି ଆହତ ଗୋରୁ ମାନଙ୍କର ଚିକିତ୍ସା କରିଥିଲେ ।
