ଭୁବନେଶ୍ବର: ଏସୀୟ ପାରା କ୍ରୀଡ଼ାରେ ସ୍ବର୍ଣ୍ଣ ପଦକ ଜିତି ରାଜ୍ୟ ପାଇଁ ଗର୍ବ ଆଣିଥିବା ପ୍ରମୋଦ ଭଗତଙ୍କ ଉପରେ ଟଙ୍କା ବର୍ଷା। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୋଲ୍ଡେନ ବଏ ପ୍ରମୋଦ ଭଗତଙ୍କୁ ୨ କୋଟି ପୁରସ୍କାର ଘୋଷଣା କରିଛନ୍ତି। ବ୍ୟାଡମିଣ୍ଟନ ସିଙ୍ଗଲ୍ସରେ ନୀତେଶ କୁମାରଙ୍କୁ ପରାସ୍ତ କରି ଗୋଲ୍ଡ ମେଡାଲ ଜିତିଛନ୍ତି ପ୍ରମୋଦ ।
ଏସିଆନ୍ ପାରା ଗେମ୍ସରେ ଭାରତର ପଦକ ସଂଖ୍ୟା ୮୨ରେ ପହଁଛି । ଏଥିରେ ୧୮ଟି ଗୋଲ୍ଡ ମେଡାଲ ରହିଥିବା ବେଳେ ୨୩ଟି ରୌପ୍ୟ ପଦକ ଓ ୪୧ କାଂସ୍ୟ ପଦକ ରହିଛି । କ୍ରୀଡ଼ାର ପ୍ରଥମ ସ୍ଥାନରେ ରହିଛି ଚୀନ । ଶେଷ ରିପୋର୍ଟ ସୁଦ୍ଧା ଚୀନ ୩୯୩ଟି ମେଡାଲ ଜିତିଛି । ୧୫୭ଟି ସ୍ବର୍ଣ୍ଣ ପଦକ ଜିତିଥିବା ବେଳେ ୧୨୮ଟି ରୌପ୍ୟ ଓ ୧୦୮ଟି କାଂସ୍ୟ ପଦକ ଅକ୍ତିଆର କରିଛି।
