ଗଜପତି,୪/୭- ଗଜପତି ଜିଲ୍ଲା ମହେନ୍ଦ୍ର ଗିରି ବନାଞ୍ଚଳ ପକ୍ଷରୁ ୭୧ତମ ବନ ମହୋତ୍ସବ ପାଳନ ହୋଇଯାଇଛି । ରାୟଗଡ ବ୍ଳକର ରାୟଗଡ ଡେକୁସାହି ଠାରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମହେନ୍ଦ୍ର ବନାଞ୍ଚଳ ଅଧିକାରୀ କବିନା ପରିଛାଙ୍କ ତତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସ୍ଥାନୀୟ ସମିତି ସଭ୍ୟ ମାଫିଏଲ ସୁଆଲ ସିଂ ଉପସ୍ଥିତିରେ ଏହି ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏତଦବ୍ୟତୀତ ରେଞ୍ଜର ବିଭିନ୍ନ ନର୍ସରିରେ ଚାରାବଣ୍ଟନ କାର୍ଯ୍ୟକ୍ରମ ସ୍ଥାନୀୟ ସରପଞ୍ଚ ଏବଂ ସମିତି ସଭ୍ୟଙ୍କ ଉପସ୍ଥିତିରେ ହୋଇଥିଲା । ଏହି ରେଞ୍ଜରେ ୮୫ ହଜାର ଚାରା ରୋପଣ ପାଇଁ ଲକ୍ଷ୍ୟ ରଖାଯାଇଛି ଏବଂ୨୪ ହଜାର ପାଞ୍ଚଶହ ଚାରାବଣ୍ଟନ ପାଇଁ କାର୍ଯ୍ୟକ୍ରମ ଆରମ୍ଭ ହୋଇଛି । ଉକ୍ତ କାର୍ଯ୍ୟକ୍ରମରେ ବନପାଳ ଗଣେଶ ପ୍ରଧାନ, ସନ୍ତୋଷ ରଥ ଓ ବନ କର୍ମଚାରୀମାନେ ଉପସ୍ଥିତ ଥିଲେ ।
