କଟକ : ଆଜି ବାରବାଟୀ–କଟକ ବିଧାୟକ ଇଂ.ମହମ୍ମଦ ମୋକିମ କଟକ ମହାନଗର ନିଗମ ୧୮ ନମ୍ବର ୱାର୍ଡରେ ଜନ ସଂପର୍କ ପଦଯାତ୍ରା କରିଛନ୍ତି । ୱାର୍ଡ ଅଞ୍ଚଳର ଓଡିଆ ବଜାର, ଗଙ୍ଗାମନ୍ଦିର, ବାଉଁଶ ଗଳି, ବାଙ୍କା ବଜାର, ସୂତାହାଟ ଆଦି ଅଞ୍ଚଳ ପଦଯାତ୍ରା କରି ସ୍ଥାନୀୟ ଜନସାଧାରଣଙ୍କୁ ଭେଟିଥିଲେ । ସ୍ଥାନୀୟ ମୁରବୀ, ବରିଷ୍ଠ ନାଗରିକ, ଯୁବକ ଓ ମହିଳାମାନେ ବିଭିନ୍ନ ସମସ୍ୟା ସଂପର୍କରେ ବିଧାୟକଙ୍କ ସହିତ ଆଲୋଚନା କରିଥିଲେ । ୱାର୍ଡ ଅଞ୍ଚଳର କଂଗ୍ରେସ କର୍ମୀମାନେ ନିୟମିତ ଜନସାଧାରଣଙ୍କ ସଂସ୍ପର୍ଶରେ ଆସି ମୌଳିକ ସେବା ଯୋଗାଇ ଦେବାରେ ସାହାଯ୍ୟ ସହଯୋଗ କରିବାକୁ ପରାମର୍ଶ ଦେଇଥିଲେ । ଏହି ଅବସରରେ ବିଧାୟକ ଉନ୍ନୟନ ପାଣ୍ଠିରୁ ହେଉଥିବା କାର୍ଯ୍ୟର ତଦାରଖ କରିଥିଲେ । ଏହି କାର୍ଯ୍ୟକ୍ରମରେ କଟକ ନଗର କଂଗ୍ରେସ କମିଟି ପୂର୍ବତନ ସଭାପତି ଗିରିବାଳା ବେହେରା, ସେକ ଲିଆକତ ଉଦ୍ଦୀନ ଅହମ୍ମଦ, ଚାରୁଲତା ସାହୁ, ସେକ ମିନାଜଉଦ୍ଦୀନ, ସେକ ଆବିଦ, ଜାଭେଦ ହୁସେନ, ଆର୍ଯ୍ୟବୀର ଲେଙ୍କା, ବିକି ଚକ୍ରବର୍ତ୍ତୀ, ଶୟଦ ରାମଜନ ଅଲ୍ଲୀ, ଆଫତାବ ନୁର, ଅବଦୁଲ ରଜାକ, ଲିଆକତ ବାବୁ, ଅଭିଷେକ ଆଚାର୍ଯ୍ୟ, ଶୋନା ସାହୁ ପ୍ରମୁଖ ଯୋଗ ଦେଇଥିଲେ ।
