ଦାରିଙ୍ଗବାଡ଼ି ୪/୭: କନ୍ଧମାଳ ଜିଲ୍ଲାରେ ଉପଭୋକ୍ତାଙ୍କୁ ୨୪ଘଣ୍ଟିଆ ବିଦ୍ୟୁତ ସେବା ଯୋଗାଇବାରେ ବିଫଳ ରହିଛି ସାଉଥକୋ । ଜିଲ୍ଲାରେ ଦିନତମାମ ବିଦ୍ୟୁତ ସେବା ଯୋଗାଇବା ବଦଳରେ ଘଣ୍ଟା ଘଣ୍ଟା ଧରି ବିଦ୍ୟୁତ କାଟ ହେଉଛି । ଯାହା ଫଳରେ ସାଧାରଣ ଉପଭୋକ୍ତା ଟିଏ ବିଦ୍ୟୁତ ସେବା ରୁ ବଂଚିତ ରହି ହନ୍ତସନ୍ତ ହୋଇଥାଏ । ତେବେ ବର୍ତ୍ତମାନ ଜିଲ୍ଲାରେ ସପ୍ତାହନ୍ତ ସଟଡାଉନ ଚାଲିଥିବାରୁ ଲୋକମାନେ ନିଜ ନିଜ ଘରେ ରହୁଥିବା ବେଳେ ଆସନ୍ତାକାଲି ରବିବାର ଦିନ ଦାରିଙ୍ଗବାଡ଼ି ସମେତ ବାଲିଗୁଡା ଆଦି ଅଞ୍ଚଳରେ ବିଦ୍ୟୁତ ମରାମତି ନାମରେ ବିଦ୍ୟୁତ କାଟ କରାଯିବ ବୋଲି ବିଭାଗ ପକ୍ଷରୁ କୁହାଯାଇଛି । ତେବେ ଏହି ସଟଡାଉନ ସମୟରେ ବିଦ୍ୟୁତ କାଟ କରିବା ଘୋଷଣାକୁ ଗ୍ରାହକମାନେ ନାପସନ୍ଦ କରି ରବିବାର ବଦଳେ ଅନ୍ୟ ଦିନରେ ବିଦ୍ୟୁତ ମରାମତି କରାଯାଉ ବୋଲି ଅଂଚଳବାସୀ ମାନେ ଦାବି କରିଛନ୍ତି ।
