ଚମ୍ପୁଆ, ୧୬ ।୧୧: ଚମ୍ପୁଆ ଗଣମାଧ୍ୟମ ପ୍ରତିନିଧି ମାନଙ୍କ ପକ୍ଷରୁ ଜାତୀୟ ପ୍ରେସ ଦିବସ ପାଳିତ ହୋଇଯାଇଛି । ନିଆରା ଢଙ୍ଗରେ ଗଣମାଧ୍ୟମ ପ୍ରତିନିଧିମାନେ ଏହି ଦିବସ ବୃଦ୍ଧା ଆଶ୍ରମରେ ପାଳିବା ସହିତ ବୃଦ୍ଧା ଓ ବୃଦ୍ଧମାନଙ୍କ ସହିତ ଭାବ ଆଦାନ ପ୍ରଦାନ କରିଥିଲେ । ସୂଚନା ଅନୁସାରେ ବରିଷ୍ଠ ସାମ୍ବାଦିକ ପ୍ରଦିପ ପ୍ରଧାନଙ୍କ ନେତୃତ୍ୱରେ ସାମ୍ବାଦିକ ମହେଶ୍ୱର ଦାସ, ଶାନ୍ତନୁ କୁମାର ଦାସ, ସଂଜିବ କୁମାର ରାଜ, ମହେନ୍ଦ୍ର ମହାନ୍ତ, ଦାଶରଥି ଗିରି, ଛତ୍ରପତି ନାଏକ, ପବିତ୍ର କୁମାର ନାୟକ ପ୍ରମୁଖ ଚମ୍ପୁଆ ସଦର ମହକୁମା ସ୍ଥିତ ରାମଲା ଗ୍ରାମରେ ଥିବା ବୃଦ୍ଧା ଆଶ୍ରମ (ହାପି ହୋମ) ଠାରେ ଜାତୀୟ ପ୍ରେସ ଦିବସ ପାଳନ କରିବା ସହ ଅନ୍ତେବାସୀଙ୍କୁ ଶୀତ ବସ୍ତ୍ର ଓ ଫଳ ବଂଟନ କରି ଏହି ଦିବସକୁ ନିରାଡାମ୍ବର ଭାବେ ପାଳନ କରିଥିଲେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଶିକ୍ଷାବିତ୍ ରମାକାନ୍ତ ପ୍ରଧାନ, ସମ୍ମାନିତ ଅତିଥି ଭାବେ ଶିଶୁ ବିଦ୍ୟା ମନ୍ଦିରର ପ୍ରଧାନ ଆଚାର୍ଯ୍ୟ ଧରଣୀଧର ଦାସ ଓ ବରିଷ୍ଠ ନାଗରିକ ଗଙ୍ଗାଧର କର ପ୍ରମୁଖ ଯୋଗ ଦେଇ ଆଶ୍ରମ ପରିଚାଳନା ମୁଖ୍ୟ ସୀତାରା ବେଗମଙ୍କ ପ୍ରୟାସକୁ ପ୍ରଶଂସା କରିବା ସହ ସ୍ଥାନିୟ ସାମ୍ବାଦିକ ମାନେ ଜାକଜକମ ଠାରୁ ଦୁରେଇ ଯାଇ ନିରାଡାମ୍ବର ଭାବେ ବୃଦ୍ଧାଶ୍ରମରେ ଏହା ପାଳନ କରିଥିବାରୁ ସାଧୁବାଦ ପ୍ରଦାନ କରିଥିଲେ । ଏହା ଏକ ମାନବିୟ କାର୍ଯ୍ୟ ଏହାକୁ ବଜାୟ ରଖିବା ପାଇଁ ପରାମର୍ଶ ପ୍ରଦାନ କରିଥିଲେ ।
