ଚମ୍ପୁଆ: ଚମ୍ପୁଆ ପୋଲିସ ଦ୍ୱାରା ପାଣି ମୋଟର ଚୋରି ଓ କିଣା ମାମଲାରେ ୫ ଜଣ ଗିରଫ ହୋଇଥିବା ଚମ୍ପୁଆ ପୋଲିସ ସୂଚନା ଦେଇଛନ୍ତି । ସୂଚନା ଅନୁସାରେ ଗତ ୨ ଦିନ ତଳେ ରାମଲା ଅଂଚଳରୁ ରାତି ଅଧରେ ଉଠା ଜଳସେଚନ ବିଭାଗ ଦ୍ୱାରା ପ୍ରଦାନ କରାଯାଇଥିବା ସମରସବୁଲ ପାଣି ମୋଟର ଚୋରି ହୋଇଥିବା ମାଲିକ ସୁଶିଲ କୁମାର ଗିରି ଚମ୍ପୁଆ ଥାନାରେ ଅଭିଯୋଗ କରିଥିଲେ । ଏ ନେଇ ପୋଲିସ ପକ୍ଷରୁ କେସ ନମ୍ବର ୧୯୯/୨୦୨୩ ତନାଘନା ଆରମ୍ଭ କରାଯାଇଥିଲା । ଅଭିଯୋଗ ଅନୁସାରେ ୧୬ ତାରିଖ ଦିନ ସକାଳ ସମୟରେ ସୁଶିଲ ଗିରି ପାଣି ମଡାଇବାକୁ ଯାଇଥିବା ବେଳେ ଉଭୟ ୨ ଗୋଟି ପାଣି ମଟର ନ ଥିବାରେ ଜାଣିବାକୁ ପାଇଥିଲେ । ପରେ ପୋଲିସ କୌଣସି ସୁତ୍ରରୁ ଖବର ପାଇ ଚମ୍ପୁଆ ଅଂଚଳର ରଘୁନାଥ ମହାକୁଦ, ଜଗ ମୁଣ୍ଡା, ମାଗୁରୁ ହେସା ଓ ବାଣେଶ୍ୱର ବେଂଟକାରକୁ ଗିରଫ କରିବା ପରେ ତାଙ୍କ ଠାରୁ ୨ ଗୋଟି ସମରସବୁଲ ମୋଟର ଜବତ କରିଥିଲେ । ପରେ ପଚରାଉଚରାରୁ ଆଉ ଗୋଟାଏ ପମ୍ପ ଦୁର୍ଯ୍ୟଧନ ପ୍ରଧାନଙ୍କୁ ବିକ୍ରି କରିଥିବା ଜାଣିବାକୁ ପାଇଥିଲେ । ପୋଲିସ ଉକ୍ତ ବିକ୍ରି ମୋଟରକୁ କିଣିଥିବା ଦୁର୍ଯ୍ୟଧନ ପ୍ରଧାନକୁ ମଧ୍ୟ ଗିରଫ କରିଥିଲେ ।
