ସୁବର୍ଣ୍ଣପୁର : ଆଜି ବହୁ ପ୍ରତିକ୍ଷିତ କ୍ରିକେଟ୍ ୱାର୍ଲ୍ଡ କପ୍ର ଫାଇନାଲ ମ୍ୟାଚ୍ । ଏଥିରେ ଭାରତୀୟ କ୍ରିକେଟ ଦଳ ଓ ଅଷ୍ଟ୍ରେଲିଆ କ୍ରିକେଟ୍ ଦଳ ମଧ୍ୟରେ ହେବ ମହାସମର । ଏହି ଖୁସିରେ ଭାରତୀୟ କ୍ରିକେଟ୍ ଦଳ ର ବିଜୟ ପାଇଁ ଶୁଭ ମନାସି ଆଜି ମାଁ ସୁରେଶ୍ୱରୀଙ୍କ ଠାରେ ସ୍ୱଚ୍ଛ ଭାରତ, ଏନ୍. ସି. ସି ସୋନପୁର, ଟିମ୍ ଧୋନି ସୋନପୁରଙ୍କ ସହିତ ଅନେକ ବ୍ୟକ୍ତି ବିଶେଷ ସକାଳୁ ପ୍ରଦୀପ ପ୍ରଜ୍ୱଳନ କରିଥିଲେ । ଭାରତ ମାତାକି ଜୟ, ଜୟ ଭାରତ, ଚକଦେ ଇଣ୍ଡିଆ ଏଭଳି ନାରାଦେଇ କ୍ରିକେଟ୍ ଟିମ୍ ର ବିଜୟ ପାଇଁ ଉଲ୍ଲସିତ ହୋଇ ଶୁଭ କାମନା କରିଥିଲେ । ଆଜିର ପ୍ରତୀକ୍ଷିତ ଫାଇନାଲ ଖେଳକୁ ଉପଭୋଗ କରିବା ପାଇଁ ବ୍ଲକଛକ ଦୁର୍ଗାପୂଜା କମିଟି ପକ୍ଷରୁ ମଧ୍ୟ ଏକ ଖୋଲା ଅଡିଟୋରିୟମରେ ସିଟିଂ ସୁବିଧା ସହ ବଡପରଦାରେ କ୍ରିକେଟ ଖେଳର ଭରପୁର ମଜା ନେବାପାଇଁ ବ୍ୟବସ୍ଥା ହେବାସହ ମ୍ୟାଚ ପରେ ଆକର୍ଷଣୀୟ ଆତସବାଜି ପ୍ରଦର୍ଶନ ସହ ସମସ୍ତଙ୍କ ମନୋରଞ୍ଜନ ପାଇଁ ମାତୃଶକ୍ତି ମହିଳା ଦଣ୍ଡ ନୃତ୍ୟର ମଧ୍ୟ ଆୟୋଜନ କରାଯାଇଛି । ସେହିପରି ସହରର ବିଭିନ୍ନ ସ୍ଥାନରେ ବଡପରଦ ଲଗାଇ କ୍ରିକେଟ ପ୍ରେମୀ ବିଶ୍ୱ କପର ମନୋରଞ୍ଜନ ନେବା ପାଇଁ ପ୍ରସ୍ତୁତ ଅଛନ୍ତି ।
