ହରଭଙ୍ଗା :ହରଭଙ୍ଗା ବ୍ଲକ କୁମାରୀ ବହୁ ପୁରାତନ କପିଳେଶ୍ୱର ଶୈବ ପୀଠରେ ଆଜି ନୂତନ ସିଂହାସନ ପ୍ରତିଷ୍ଠା ଓ ମହାପ୍ରଭୁଙ୍କୁ ଅବସ୍ଥାପିତ କରାଯାଇଥିବା ଜଣାପଡିଛି । ଉକ୍ତ କାର୍ଯ୍ୟକ୍ରମ ହୋମ ଯଜ୍ଞ, ନାମ ଯଜ୍ଞ, ଅନ୍ନ ଯଜ୍ଞ ଓ ସଂକୀର୍ତ୍ତନ କରି ମହାପ୍ରଭୁଙ୍କୁ ନୂତନ ସିଂହାସନରେ ଅବସ୍ଥାପିତ କରାଯାଇଥିଲା । କାର୍ଯ୍ୟକ୍ରମରେ କର୍ତ୍ତା ଭାବେ ହାଡି ବନ୍ଧୁ ସେନାପତି ଓ ତାଙ୍କ ଧର୍ମ ପତ୍ନୀ କାର୍ଯ୍ୟାଭାର ତୁଲାଇଥିବା ବେଳେ ପୂଜକ ଭାବେ ସୁର ରଣା ଓ ବୁଦ୍ଧିଆ ରଣା ପୂଜା କାର୍ଯ୍ୟ ତୁଳାଇଥିଲେ । କୁମାରୀ ଗ୍ରାମର ଶତାଧିକ ମହିଳା, ପୁରୁଷ, ପୂର୍ବତନ ସରପଞ୍ଚ ପୁଷ୍ପାଞ୍ଜଳି ଦେହୁରୀ, ସମାଜ ସେବୀ ସଞ୍ଜୟ ଦେହୁରୀ, ଜୟନ୍ତ ଦେହୁରୀଙ୍କ ସମେତ ବହୁ ଭକ୍ତ ଉପସ୍ଥିତ କାର୍ଯ୍ୟକ୍ରମରେ ଯୋଗ ଦେଇଥିଲେ ।
