ପୁରୀ : ଗତ ବର୍ଷ ଡିସେମ୍ବର ୧୨ ତାରିଖରେ ପୁରୀ ପୋଲିସ ଏନକାଉଣ୍ଟର କରିଥିବା ବ୍ରହ୍ମଗିରି ପଲଙ୍କର ଦୁର୍ଦ୍ଦାନ୍ତ ଅପରାଧୀ ସନ୍ତୁ ଓରଫ୍ ସନ୍ତୋଷ ବାରିକକୁ ଗିରଫ କରି କୋର୍ଟ ଚାଲାଣ କରିଛି । ଗୁରୁତର ଆହତ ହୋଇଛି ସନ୍ତୁକୁ ପ୍ରଥମେ ପୁରୀ ସଦର ମୁଖ୍ୟ ଚିକିତ୍ସାଳୟ ଓ ପରେ କଟକ ସ୍ଥାନାନ୍ତରିତ କରାଯାଇଥିଲା । ନଭେମ୍ବର ୨୯ ତାରିଖରେ ବ୍ରହ୍ମଗିରି ଚଣ୍ଡୀପୁଟ ଛକରେ ଏକ ଦୁର୍ଘଟଣାରେ ମାମଲାରେ ସେ ସେହି ଅଞ୍ଚଳର ସୁବଳ ସାହୁଙ୍କ ଘରକୁ ବନ୍ଧୁକ ଧରି ପଶିଥିଲା । ତାଙ୍କ ବୋହୂ ଝିଲ୍ଲୀ ସାହୁକୁ ଗୁଳିମାଡ କରି ଫେରାର ଥିଲା । ପୁରୀ ଏସପିଙ୍କ ନିର୍ଦ୍ଦେଶ କ୍ରମେ ସଦର, ବ୍ରହ୍ମଗିରି ଥାନା ପୋଲିସର ଏକ ଟିମ୍ ଗଠନ କରି ତାକୁ ଗିରଫ ପାଇଁ ପୋଲିସ ଖୋଜୁଥିଲା । ଡିସେମ୍ବର ୧୧ ତାରିଖରେ ସେ ବ୍ରହ୍ମଗିରି ଥାନା ଅନ୍ତର୍ଗତ ଗିରଳ ଛକରେ ବନ୍ଧୁକ ଧରି ବୁଲୁଥିବା ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇଁ ଚଢାଉ କରିଥିଲେ । ପୋଲିସକୁ ଦେଖି ପ୍ରଥମେ ସେ ଗୁଳିମାଡ କରିଥିଲା । ପରେ ପୋଲିସ ସନ୍ତୁ ଓରଫ୍ ସନ୍ତୋଷ ବାରିକକୁ ଏନକାଉଣ୍ଟର କରିଛି । ତା ଡାହାଣ ଗୋଡ଼ରେ ଗୁଳି ବାଜିଛି । ତା’ ଠାରୁ ଗୋଟିଏ ବନ୍ଧୁକ, ଦୁଇ ରାଉଣ୍ଡ ଜୀବନ୍ତ ଗୁଳି ଓ ଗୋଟିଏ ଖୋକା ଜବତ ହୋଇଥିଲ । ସନ୍ତୋଷ ନାମରେ ବ୍ରହ୍ମଗିରୠ ଥାନାରେ ଦୁଇଟି ଓ ପୁରୀ ସଦର ଥାନାରେ ଗୋଟିଏ ମାମଲା ରହିଛି ।
