କଣ୍ଟାବାଞ୍ଜି, ୬/୭- ବନ ବିଭାଗ ପକ୍ଷରୁ ଆଜି ତୁରିକେଲା ବ୍ଲକ ଅନ୍ତର୍ଗତ ଢୋଲମାଦଳ ଠାରେ ୭୧ ତମ ବନମହୋତ୍ସବ ସପ୍ତାହ ପାଳନ କରାଯାଇଛି । କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ମୁଖ୍ୟଅତିଥି ଭାବେ ଯୋଗଦେଇଥିଲେ । ଅନ୍ୟମାନଙ୍କ ମଧ୍ୟରେ ତୁରେକେଲା ଥାନାଧିକାରୀ ଶ୍ରୀଯୁକ୍ତ ଜେନା, ସରପଂଚ, ସମିତି ସଭ୍ୟ କୌସିକ ମେହେର, ବ୍ଲକ ଅଧକ୍ଷଙ୍କ ପ୍ରତିନିଧି କାର୍ତ୍ତିକ ପୁଟେଲ ପ୍ରମୁଖ ଯୋଗଦାନ କରିଥିଲେ ।
ସାମାଜିକ ଦୂରତା ମାକ୍ସ ଆଦି ପାଳନ ପୂର୍ବକ ଅନୁଷ୍ଠିତ କାର୍ଯ୍ୟକ୍ରମକୁ ମାନ୍ୟବର ବିଧାୟକ ସାଲୁଜା ଅନ୍ୟ ଅତିଥିମାନଙ୍କ ସହ ଭୂମି ଓ ବୃକ୍ଷ ପୂଜନ ସହ ଶୁଭାରମ୍ଭ କରିଥିଲେ । ପର୍ଯ୍ୟାବରଣ ପାଇଁ ବୃକ୍ଷରୋପଣ ଓ ଜଙ୍ଗଲ ସୁରକ୍ଷା ପାଇଁ ଆଗେଇ ଆସିବାକୁ ଅନୁଷ୍ଠିତ ସଭାରେ ଆହ୍ୱାନ ଦେଇଥିଲେ । ବନ ବିଭାଗ ଅଧିକାରୀ ବନମାଳୀଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟାକ୍ରମକୁ ବନ ବିଭାଗର ଅନ୍ୟାନ୍ୟ କର୍ମଚାରୀମାନେ ଉପସ୍ଥିତ ରହି ସହଯୋଗ କରିଥିଲେ ।
