ବୌଦ୍ଧ,୭/୭ – ହରଭଙ୍ଗା ବ୍ଲକ୍ ପୁରୁଣାକଟକ ଥାନା ବାଣିଭୁଷଣପୁର ଗ୍ରାମ ପଂଚାୟତର ଝାଡ୍ରାଜିଙ୍ଗ ଗ୍ରାମର ଜଣେ ଯୁବକଙ୍କ ମୃତ୍ୟୁ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଗତକାଲି ରାତିରେ ପରିବାର ସହ ମିଶି ଖାଇ ପିଈ ସମସ୍ତେ ଶୋଇଥିବା ବେଳେ ବିଳମ୍ବିତ ରାତିରେ ଗୋଟିଏ ବିଷଧର ସାପ ବିଚ୍ଛନ୍ଦ ଭୋଇ (୨୨ ବର୍ଷ )ଙ୍କୁ କାମୁଡି ଦେଇଥିଲା । ସାପ କାମୁଡି ଥିବା ଜାଣିପାରି ପରିବାର ଲୋକେ ଆଜି ସକାଳୁ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ । ଚିକିତ୍ସାଧୀନ ଅବସ୍ଥାରେ ଆଜି ସନ୍ଧ୍ୟାରେ ବିଚ୍ଛନ୍ଦ ମୃତ୍ୟୁବରଣ କରିଥିବା ଜଣାପଡିଛି । ଆସନ୍ତାକାଲି ସକାଳୁ ପୋଷ୍ଟମଟମ କରାଯିବ ବୋଲି ପରିବାର ସୂତ୍ରରୁ ସୂଚନା ମିଳିଛି ।
