ହରଭଙ୍ଗା,୮/୭ – ବୌଦ୍ଧଜିଲ୍ଲା ହରଭଙ୍ଗା ବ୍ଲକର ଧଳପୁର ପଞ୍ଚାୟତର ଖଣ୍ଡିଧଳପୁର ଗ୍ରାମର ଜଣେ ଶ୍ରମିକ ବିଦ୍ୟୁତ ଆଘାତରେ ମୃତ୍ୟୁବରଣ କରିଥିବା ଜଣାପଡିଛି । ମିଳିଥିବା ଖବରରୁ ପ୍ରକାଶ ଯେ ଖଣ୍ଡିଧଳପୁର ଗ୍ରାମର ଅରୁଣ ବେହେରା (୨୫) ନାମକ ଜଣେ ଶ୍ରମିକ ଆଜି ଚାରିଛକର ଜଣେ ବ୍ୟକ୍ତିଙ୍କ ଘରେ କାମ କରୁଥିଲା । କାମ କରୁଥିବା ସମୟରେ ବିଦ୍ୟୁତ ଆଘାତରେ ସେ ଗୁରୁତର ହୋଇପଡିଥିଲା । ସଙ୍ଗେସଙ୍ଗେ ପୁରୁଣାକଟକ ଡାକ୍ତରଖାନାକୁ ନିଆଯାଇଥିବାବେଳେ ଡାକ୍ତର ମୃତ ଘୋଷଣା କରିଥିଲେ । ଖବରପାଇ ପୁରଣାକଟକ ଥାନା ପୋଲିସ ଶବ ଜବତକରି ଅଧିକ ତଦନ୍ତ ଚଳାଇଛି । ମୃତକ ଜଣକ ଗରିବ ଶ୍ରେଣୀର ହୋଇଥିବାରୁ ତାଙ୍କ ପରିବାରକୁ ସାହାଯ୍ୟ ଯୋଗାଇଦେବାକୁ ଦାବି ହେଉଛି ।
