ବୌଦ୍ଧ,୮/୭– ବୌଦ୍ଧ ବ୍ଲକ ବଘିଆପଡା ଗ୍ରାମ ପଞ୍ଚାୟତର ସମାପାଜୁ ଗ୍ରାମରେ ବାସ କରୁଥିବା ବାସୁଦେବ ବେହେରା (୬୦) ଜଣେ କେନ୍ଦେରା ବାଦକ । ସେ ଅବିବାହିତ ଓ ଏକୁଟିଆ ହିଁ ଏକ ଭଙ୍ଗାଦଦରା ଚାଳଘରେ ରହନ୍ତି । ‘ୟାରା’ ନାମକ ଏକ ସ୍ୱେଚ୍ଛାସେବୀ ଅନୁଷ୍ଠାନ ତାଙ୍କର ଏ ଦୁର୍ଦ୍ଦଶା ଦେଖି ସହାୟତାର ହାତ ବଢାଇଛି । ଭୁବନେଶ୍ୱରସ୍ଥିତ ମାଏରା ଚାରିଟେବୁଲ ଟ୍ରଷ୍ଟର ସହାୟତାରେ ୟାରା ଯୁବ ଅନୁଷ୍ଠାନ ପକ୍ଷରୁ ଗତକାଲି ତାଙ୍କୁ ନୂତନ ବସ୍ତ୍ର, ଶୁଖିଲା ଖାଦ୍ୟ ଓ ଅନ୍ୟାନ୍ୟ ସାମଗ୍ରୀ ପ୍ରଦାନ କରାଯାଇଥିଲା । ବର୍ଷାରେ ଭାଙ୍ଗିଯାଇଥିବା ଚାଳଛପର ଘରର ଚାଳ ଢାଙ୍କିବା ପାଇଁ ପଲିଥିନ ମଧ୍ୟ ଦିଆଯାଇଥିଲା । ୟାରା ଯୁବ ଅନୁଷ୍ଠାନର ସଭାପତି ଚନ୍ଦନ ବେହେରା, ସଂପାଦକ ଚିତ୍ତରଞ୍ଜନ ବେହେରା ଓ ସଦସ୍ୟ ପୁରନ୍ଦର, ଯୋଗାସନ, ବାମନଙ୍କ ଏଭଳି ସହାୟତାକୁ ଜନସାଧାରଣରେ ପ୍ରଶଂସା କରାଯାଇଛି ।
