ବୌଦ୍ଧ,୧୧/୭ – ଗତ ୪ବର୍ଷ ଧରିା ବାଉଁଶୁଣୀ ଉପଡାକଘର ଅଧୀନରେ ଥିବା ବୌଦ୍ଧବ୍ଲକ ମୁଣ୍ଡିପଦର ଶାଖା ଡାକଘରେ ତାଲା ପଡିିଥିବା ଦେଖିବାକୁ ମିଳୁଛି । ପୂର୍ବରୁ ଶାଖା ପୋଷ୍ଟମାଷ୍ଟରଥିବା ବଳରାମ ମିଶ୍ର ଅବସର ନେବାପରେ ଲଗାତାର ଏଭଳି ଅବ୍ୟବସ୍ଥା ଦେଖାଦେଉଥିବା ଗ୍ରାମବାସୀ ଅଭିଯୋଗ କରନ୍ତି । ବିଭିନ୍ନ ଡାକଘର ସଞ୍ଚୟ ଜମା, ମନରେଗା ପ୍ରାପ୍ୟ ଓ ଅନ୍ୟାନ୍ୟ କଲ୍ୟାଣକାରୀ ଯୋଜନାର ହିତାଧିକାରୀ ହେବାରୁ ଲୋକେ ବଞ୍ଚି ହୋଇ ଆସୁଛନ୍ତି । ଅବସର ଗ୍ରହଣ ପରେ କେବଳ ସାହାଜପାଲରୁ ମେଲ୍ ସଂଗ୍ରହକରି ବଳରାମ ମିଶ୍ର ଚିଠିପତ୍ର ବଣ୍ଟାବଣ୍ଟି କରୁଥିଲେ ମଧ୍ୟ ଏଠାରେ ୪ବର୍ଷ ହେଲା ନିଯୁକ୍ତି ପାଇ ପ୍ରତିମାସରେ ଦରମା ନେଉଥିବା ଶାଖା ପୋଷ୍ଟମାଷ୍ଟର କେବେ ସୁଣ୍ଢିପଦର ଆସୁନଥିବା ଗ୍ରାମବାସୀ ଲିଖିତ ଅଭିଯୋଗ କରିଛନ୍ତି । ଏ ସଂପର୍କରେ ସବୁ ଜାଣି ମଧ୍ୟ ଫୁଲବାଣୀ ଡାକ ଅଧୀକ୍ଷକ, ବୌଦ୍ଧ ନିରୀକ୍ଷକ ଓ ଡାକ ଓଭରସିଓର କୌଣସି ପଦକ୍ଷେପ ନେଉନଥିବାରୁ ଜନସାଧାରଣରେ ଅସନ୍ତୋଷ ପ୍ରକାଶ ପାଉଛି । ମୁଣ୍ଡିପଦର ଗ୍ରାମରେ ବୁଦାରାମ ପ୍ରଧାନଙ୍କ ଘରେ ଭଡାରେ ଖୋଲାଯାଇଥିବା ଶାଖା ଡାକଘର ସବୁବେଳେ ତାଲା ପଡିରହୁଛି । ଏଣୁ ବିଭାଗୀୟ ଉଚ୍ଚ କର୍ତ୍ତୃପ କ୍ଷ ଏ ଦିଗରେ ଦୃଷ୍ଟି ଦେବାକୁ ଜନସାଧାରଣରେ ଦାବି ହେଉଛି ।
