ବୌଦ୍ଧ:ବୌଦ୍ଧ ଜିଲ୍ଲା କଣ୍ଟାମାଳ ଅଇଁଲାଚୁଆ ନିକଟରେ ସରକାରୀ ବସ ଧକ୍କାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଥିବା ଜଣାପଡିଛି । ମୃତ ବାଇକ ଆରୋହୀ କନାବିରା ଗ୍ରାମର ହୋଇଥିବା ବେଳେ ଗୁରୁତର ଜଣକ ନୂଆପାଲି ଗ୍ରାମର ମୁରଲୀ କହଁର ବୋଲି ଜଣାପଡିଛି । ଆଜି ସନ୍ଧ୍ୟାରେ ଘଟିଛି ଦୁର୍ଘଟଣା । କଣ୍ଟାମାଳ ପୋଲିସ୍ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି । ସରକାରୀ ବସଟି ଜଟଣୀରୁ କଣ୍ଟାମାଳ ଯାଉଥିବା ବେଳେ ବାଇକ ଆରୋହୀଙ୍କୁ ଧକ୍କା ଦେଇ ବସଟି ତାଙ୍କ ଉପରେ ଚଢି ଯାଇଥିବା ଜଣାପଡ଼ିଛି । ଘଟଣାକୁ ନେଇ ରାସ୍ତାରୋକ କରାଯିବା ସହ ଉତ୍ତେଜନା ସୃଷ୍ଟି ହୋଇଥିବା ଜଣାପଡିଛି ।
