ନୂଆଦିଲ୍ଲୀ : କିଛି ଦିନ ପୂର୍ବରୁ ଟିମ୍ ଇଣ୍ଡିଆର ଷ୍ଟାର ଖେଳାଳି ହାର୍ଦ୍ଦିକ୍ ପାଣ୍ଡ୍ୟା ଏକ ଖୁସି ଖବର ଜଣାଇଥିଲେ । ହାର୍ଦ୍ଦିକ ଜଣାଇଥିଲେ ଯେ, ସେ ଖୁବଶୀଘ୍ର ବାପା ହେବାକୁ ଯାଉଛନ୍ତି । ଏହାପରେ ତାଙ୍କୁ ବହୁ କ୍ରିକେଟର ଓ ସମର୍ଥକ ତାଙ୍କୁ ଅଭିନନ୍ଦନ ଜଣାଇଥିଲେ । ଏବେ ହାର୍ଦ୍ଦିକଙ୍କ ପତ୍ନୀ ନତାଶା ସୋସିଆଲ ମିଡିଆରେ ତାଙ୍କର ବେବି ବମ୍ପ ସହ ଏକ ଫଟୋ ସେୟାର କରିଛନ୍ତି । ଯାହା ଏହି ସମୟରେ ଖୁବ୍ ଭାଇରାଲ ହେବାରେ ଲାଗିଛି ।
ଏହି ଫଟୋ ନତାଶା ନିଜର ଇଷ୍ଟ୍ରାଗ୍ରାମରେ ସୋୟାର କରି କ୍ୟାପସନରେ ଲେଖିଛନ୍ତି-ଖୁସି ରାସ୍ତରେ ହି ଅଛି… । ଏହି ଫଟୋ ସେୟାର କରିବା ସହ ହାର୍ଦ୍ଦିକଙ୍କୁ ମଧ୍ୟ ଟ୍ୟାଗ୍ କରିଛନ୍ତି । ଏହି ଫଟୋକୁ ଦେଖି ସମର୍ଥକମାନେ ଖୁବ୍ କମେଣ୍ଟ ଦେଉଥିବା ଜଣାପଡିଛି । ସମର୍ଥକମାନେ ସେମାନଙ୍କ ସୁସ୍ଥ ଜୀବନ ପାଇଁ ଭଗବାନ ନିକଟରେ ପ୍ରାର୍ଥନା କରିଛନ୍ତି । ହାର୍ଦ୍ଦିକ ଓ ନତାଶା ଏହି ସମୟରେ ସୋସିଆଲ ମିଡିଆରେ ଖୁବ୍ ଆକ୍ଟିଭ ଥିବା ଦେଖିବାକୁ ମିଳୁଛି । ସେମାନେ ନିଜର ଖୁସିର ମୁହୁର୍ତ୍ତକୁ ସମର୍ଥକଙ୍କୁ ଜଣାଇବା ପାଇଁ ମଝିରେ ମଝିରେ ଫଟୋ ସେୟାର କରିଥାନ୍ତି ।
