ଦାରିଙ୍ଗବାଡ଼ି ,୧୫/୭ : ବାଙ୍ଗାଲୋର ଠାରେ ଏକ ଘରେ ଗ୍ୟାସ ହାଣ୍ଡି ଫାଟି ଯିବାରୁ ଜଣେ ଯୁବତୀଙ୍କ ମୃତ୍ୟୁ ଙ୍କ ଘଟିଥିବା ବେଳେ ଆଉ ୩ଜଣ ଯୁବତୀ ଓ ଜଣେ ଯୁବକ ଗୁରୁତର ଆହତ ହୋଇଥିବା ଜଣାପଡ଼ିଛି l ମୃତ ଓ ଆହତ ଯୁବତୀ ମାନେ କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଥାନା ଦୁର୍ଗମ ସୋନପୁର ପଞ୍ଚାୟତ ଗାହାକିଆ ଗ୍ରାମର ହୋଇଥିବା ବେଳେ ଯୁବକ ଜଣକ କୋଟଗଡ଼ ବ୍ଲକ ଶ୍ରାମ୍ବୀ ଗ୍ରାମର l ମୃତଯୁବତୀ ଜଣକ ହେଲେ ଗାହାକିଆ ଗ୍ରାମର ବରୁଣୀ ପ୍ରଧାନ(୨୦) ଗୁରୁତର ଆହତ ମାନେ ହେଲେ ଅଞ୍ଜଳି ପ୍ରଧାନ(୨୨) ମମତା ପ୍ରଧାନ(୨୨), ଓ ଉଦାମ ପ୍ରଧାନ(୩୦) l ମିଳିଥିବା ସୂଚନା ପ୍ରକାରେ ୩ଜଣ ଯୁବତୀ ଓ ଜଣେ ଯୁବକ ବାଙ୍ଗାଲୋର ଠାରେ ଏକ କମ୍ପାନୀରେ ଚାକିରି କରୁଥିବା ବେଳେ ସମସ୍ତେ ଗୋଟିଏ ଘରେ ରହୁଥିଲେ l ଗତ କାଲି ରାତିରେ ରୋଷେଇ କରୁଥିବା ସମୟରେ ଗ୍ୟାସ ସିଲିଣ୍ଡର ଟି ଫାଟି ଯିବାରୁ ନିଆଁରେ ଜଣଙ୍କର ମୃତ୍ୟ ଘଟିଥିବା ବେଳେ ଅନ୍ୟ ମାନେ ଗୁରୁତର ଭାବେ ଆହତ ହୋଇଛନ୍ତି l ଗୁରୁତର ଅବସ୍ଥାରେ ସମସ୍ତଙ୍କୁ ବାଙ୍ଗାଲୋର ର ଭିକ୍ଟୋରିଆ ମେମୋରିଆଲ ହସ୍ପିଟାଲରେ ଭର୍ତ୍ତି କରାଯାଇଛି l
