ଖପ୍ରାଖୋଲ : ଖପ୍ରାଖୋଲ ଥାନା ଭୁର୍ଷିବାଞ୍ଜି ରେ ବିଦ୍ୟୁତ ଆଘାତରେ ସ୍ୱାମୀସ୍ତ୍ରୀଙ୍କ ମୃତ୍ୟୁ ହୋଇଛି । ମିଳିଥିବା ସୂଚନା ଅନୁସାରେ ଅମରବାଗ (୬୫), ସପୁର ବାଗ(୫୮) ବୋଲି ଜଣାପଡିଛି । ନିଜ ଘରକୁ ସଂଯୋଗ କରିଥିବା ବିଦ୍ୟୁତ ତାର କଟି ଯାଇ ଟିଣ କବାଟରେ ଲାଗି ରହିଥିବା ବେଳେ ବିଦ୍ୟୁତ କରେଣ୍ଟ ଲାଗିରହିଥିବାରୁ ଅମର କବାଟ ବନ୍ଦ କରିବା ବେଳେ କରେଣ୍ଟ ଲାଗିଯାଇଥିଲା ଓ ତାଙ୍କର ମୃତ ଘଟିଥିଲା । ତାଙ୍କର ସ୍ତ୍ରୀ ସପୁର କାମରୁ ଫେରିବା ବେଳକୁ ତାଙ୍କର ସ୍ୱାମୀ ତଲେ ପଡ଼ିଥିବା ବେଳେ ଦେଖି ସ୍ୱାମୀଙ୍କୁ ଉଠାଇବାକୁ ହାତ ମାରି ଥିବାରୁ କରେଣ୍ଟ ଦେହରେ ଲାଗିଯିବାରୁ ସପୁର ବାଗଙ୍କ ମଧ୍ୟ ମୃତ୍ୟୁ ଘଟିଛି ବୋଲି ଜଣାପଡିଛି । ଖପ୍ରାଖୋଲ ଥାନା ଘଟଣା ସ୍ଥଳକୁ ପହଞ୍ଚି ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ କରି ଘଟଣାର ତଦନ୍ତ କରି ଥିବା ଜଣାପଡିଛି ।
