ଦାରିଙ୍ଗବାଡି, ୧୬/୭- ଦାରିଙ୍ଗବାଡି ବ୍ଲକର ନୂତନ ବିଡିଓ ଭାବରେ ଅଭିମନ୍ୟୁ ବେହେରା ଗୁରବାର ଦିନ ଦାୟିତ୍ୱ ଗ୍ରହଣ କରିଛନ୍ତି । ଦାରିଙ୍ଗବାଡିରେ କାର୍ଯ୍ୟରତ ବିଡିଓ ଜଗଦୀଶ ଷଡ଼ଙ୍ଗୀଙ୍କ ଠାରୁ ସେ ଦାୟିତ୍ୱ ଗ୍ରହଣ କରିଥିଲେ । ଶ୍ରୀ ଷଡ଼ଙ୍ଗୀଙ୍କୁ ରାଜ୍ୟ ରାଜସ୍ୱ ଓ ବିପର୍ଯ୍ୟୟ ପ୍ରଶମନ ବିଭାଗ ତରଫରୁ ଗଞ୍ଜାମ ଜିଲ୍ଲାରେ ଅଣାୟତ ହୋଇଥିବା କରୋନା ମୁକାବିଲାକୁ ପରିଚାଳନା ପାଇଁ କୋଭିଡ ଡ୍ୟୁଟି ପାଇଁ ଗଞ୍ଜାମ ଜିଲ୍ଲାରେ ନିଯୁକ୍ତ କରାଯାଇଛି । ନୂତନ ବିଡିଓ ଶ୍ରୀ ଅଭିମନ୍ୟୁ ବେହେରା ଟିକାବାଲି ବ୍ଲକର ତହସିଲଦାର ଭାବେ କାର୍ଯ୍ୟରତ ଥିବାବେଳେ ଆଜି ସେ ଦାରିଙ୍ଗବାଡି ବିଡିଓ ଭାବେ ଯୋଗ ଦେଇଛନ୍ତି । ଯୋଗ ଦେବାପରେ ସେ ବ୍ଲକରେ କୋଭିଡ ମୁକାବିଲା ନେଇ ପରିଚାଳନା ସହିତ ଲୋକଙ୍କ ସମସ୍ୟାର ସମାଧାନ କରିବେ ବୋଲି କହିଥିଲେ । ଏଥିସହିତ ଅଞ୍ଚଳ ବାସୀମାନେ କରୋନା ପାଇଁ ରାଜ୍ୟ ସରକାର ଜାରି କରିଥିବା ଗାଇଡଲାଇନକୁ ମାନିବାକୁ ଅନୁରୋଧ କରିଛନ୍ତି । ବ୍ଲକ କାର୍ଯ୍ୟାଳୟ ତରଫରୁ ଏପିଓ ତ୍ରିନାଥ ନାୟକ , ସହକାରୀ ନିର୍ବାହୀଯନ୍ତ୍ରୀ ବବୃବାହନ ବେହେରା, କନିଷ୍ଠ ଯନ୍ତ୍ରୀ ତୁଷାର ରଞ୍ଜନ ସେଠୀ, ଧୀରେନ ସେଠୀ, ସୁଶାନ୍ତ ପ୍ରଧାନ ଓ ବିଭୁତି ଭୂଷଣ ସାହୁ କୁଳମଣି ବେହେରା ପ୍ରମୁଖ ତାଙ୍କୁ ସ୍ୱାଗତ ଜଣାଇଥିଲେ ।
