ନୂଆଦିଲ୍ଲୀ-କର୍ଣ୍ଣାଟକ ଗସ୍ତ ଅବସରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ମୁଖ୍ୟମନ୍ତ୍ରୀ ସିଦ୍ଧରମୈୟା ସ୍ବାଗତ କରିଥିଲେ । ଏହି ଅବସରରେ ରାଷ୍ଟ୍ରପତିଙ୍କୁ ହସ ହସ ମୁହଁରେ ପଚାରିଥିଲେ ଆପଣ କନ୍ନଡ ଜାଣନ୍ତି କି? ଏହି ପ୍ରଶ୍ନ ଉପସ୍ଥିତ ଜନତାଙ୍କ ମଧ୍ୟରେ ହସର ବାତାବରଣ ସୃଷ୍ଟି କରିଥିଲା । ମୁଖ୍ୟମନ୍ତ୍ରୀଙ୍କ ପ୍ରଶ୍ନର ଉତ୍ତର ଦେବାକୁ ଯାଇ ରାଷ୍ଟ୍ରପତି ମୁର୍ମୁ କହିଲେ ଯେ କନ୍ନଡ ତାଙ୍କର ମାତୃଭାଷା ନୁହେଁ କିନ୍ତୁ ଭାରତର ଭାଷାଗତ ଏବଂ ସାଂସ୍କୃତିକ ବିବିଧତା ପ୍ରତି ତାଙ୍କର ଗଭୀର ପ୍ରଶଂସା ରହିଛି। ସେ କହିଥିଲେ, “ମୁଁ ମାନ୍ୟବର ମୁଖ୍ୟମନ୍ତ୍ରୀଙ୍କୁ କହିବାକୁ ଚାହୁଁଛି ଯେ ଯଦିଓ କନ୍ନଡ ମୋର ମାତୃଭାଷା ନୁହେଁ, ତଥାପି ମୋର ଦେଶର ସମସ୍ତ ଭାଷା, ସଂସ୍କୃତି ଏବଂ ପରମ୍ପରା ପ୍ରତି ବହୁତ ସମ୍ମାନ ଅଛି। ମୁଁ ପ୍ରତ୍ୟେକଙ୍କୁ ବହୁତ ସମ୍ମାନ କରେ। ସେ ଲୋକମାନଙ୍କୁ ସେମାନଙ୍କର ମାତୃଭାଷା ଏବଂ ପରମ୍ପରାକୁ ସଂରକ୍ଷଣ କରିବାକୁ ଉତ୍ସାହିତ କରିଥିଲେ ଏବଂ କହିଥିଲେ ଯେ ମୁଁ ନିଶ୍ଚିତ ଭାବରେ ଧୀରେ ଧୀରେ କନ୍ନଡ ଶିଖିବାକୁ ଚେଷ୍ଟା କରିବି। ଦର୍ଶକମାନେ ରାଷ୍ଟ୍ରପତିଙ୍କ ଭାଷଣକୁ ପ୍ରଶଂସା କରିଥିଲେ।
ରାଷ୍ଟ୍ରପତିଙ୍କ ମାଇସୁର ଗସ୍ତ ସମୟରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ମଧ୍ୟରେ ଭାଷା ଉପରେ ଏକ ବନ୍ଧୁତ୍ୱପୂର୍ଣ୍ଣ ଆଲୋଚନା ଦୃଷ୍ଟି ଆକର୍ଷଣ ହୋଇଥିଲା। ଏହି ଆଲୋଚନା ଅଲ୍ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ସ୍ପିଚ୍ ଆଣ୍ଡ୍ ହିଅରିଂ (AIISH) ର ଡାଇମଣ୍ଡ ଜୁବଲି ଉତ୍ସବରେ ହୋଇଥିଲା, ଯେଉଁଠାରେ ରାଷ୍ଟ୍ରପତି ମୁଖ୍ୟ ଅତିଥି ଥିଲେ।
