ବୌଦ୍ଧ -ବୌଦ୍ଧ ବ୍ଲକ ଖୁଣ୍ଟବନ୍ଧ ଗ୍ରାମ ପଂଚାୟତର ପୋଲାମ୍ ଗ୍ରାମକୁ ଦକ୍ଷିଣ ଆଫ୍ରିକାରୁ ଫେରିଥିବା ବ୍ୟକ୍ତିଙ୍କ ନିକଟରୁ ଗତ ଗୁରୁବାର କରୋନା ପଜିଟିଭ ବାହାରିବା ପରେ ତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କ କଣ୍ଟାକ୍ଟ ଟ୍ରେସିଂ ପ୍ରଶାସନ ପକ୍ଷରୁ କରାଯାଇଥିଲା | ମିଳିଥିବା ସୂଚନା ଅନୁଯାୟୀ ଉକ୍ତ ବ୍ୟକ୍ତିଙ୍କ ସଂସ୍ପର୍ଶରେ 58 ଜଣ ବ୍ୟକ୍ତି ତାଙ୍କ କଣ୍ଟାକ୍ଟ ଟ୍ରେସିଂରେ ଆସିଛନ୍ତି l ତାଂକର ପରିବାର ଓ ବନ୍ଧୁବର୍ଗ ମିଶି 20 ଜଣ ଓ ବାହାର ଲୋକ 38 ଜଣ ବ୍ୟକ୍ତି ତାଙ୍କ ସଂସ୍ପର୍ଶରେ ଆସିଥିଲେ ଓ ସ୍ବାସ୍ଥ୍ୟ ବିଭାଗ ତରଫରୁ ସମସ୍ତ 58 ଜଣ ବ୍ୟକ୍ତିଙ୍କ ସ୍ବାବ ସଂଗ୍ରହ କରି ଥିବା ସୂଚନା ମିଳିଛି l ଯେଉଁ ସନ୍ଦିଗ୍ଧ ମାନଙ୍କର ସ୍ବାବ ସଂଗ୍ରହ କାରାଯାଇଛି ସମସ୍ତଙ୍କୁ ହୋମ୍ କ୍ବାରେଣ୍ଟାଇନରେ ରହିବା ପାଇଁ ପ୍ରଶାସନ କହିଥିବା ଜଣାପଡିଛି l
