ବୌଦ୍ଧ:ଆଜି ବଲାସିଙ୍ଗା ଗ୍ରାମରୁ ତିନି ଜଣ କରୋନା ପଜିଟିଭ ଚିହ୍ନଟ ହେବା ପରେ ଗ୍ରାମର ଉଭୟ ୱାର୍ଡକୁ କଣ୍ଟେନମେଣ୍ଟ ଜୋନ ଭାବରେ ଘୋଷଣା କରିଛନ୍ତି ବଢିଗାଁ ଗ୍ରାମପଂଚାୟତର ସରପଞ୍ଚ ଅଞ୍ଜଳି ସେଠୀ । ଆଜି ତା ୧. ୮. ୨୦୨୦ ଠାରୁ ତା ୪. ୮. ୨୦୨୦ ପର୍ଯ୍ୟନ୍ତ ବଲାସିଙ୍ଗା ଗ୍ରାମବାସୀ ଘରୁ ବାହାରକୁ ନ ବାହାରିବା ପାଇଁ ଓ ଅଧିକ ଲୋକ ଗୋଟିଏ ସ୍ଥାନରେ ଠୁଳ ନ ହେବା ପାଇଁ ସରପଞ୍ଚ ଅନୁରୋଧ କରିଛନ୍ତି । ପୂର୍ବରୁ ମଧ୍ୟ ବଲାସିଙ୍ଗାର ପଞ୍ଚମ ଆଇ.ଆର. ବି ବାଟାଲିୟନର ଜଣେ ଜବାନ କରୋନା ସଂକ୍ରମିତ ହୋଇଥିବା ବେଳେ ଆଜି ଗଞ୍ଜାମ ଫେରନ୍ତା ତିନି ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି ।
