ନୂଆଦିଲ୍ଳୀ: ଯୁବପିଢ଼ିଙ୍କୁ ଦେଶର ସବୁଠାରୁ ବଡ଼ ବଳ ବୋଲି କହିବା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୧୦ ଲକ୍ଷ କର୍ମୀଙ୍କ ପାଇଁ ‘ରୋଜଗାର ମେଳା’ ଅଭିଯାନରେ ମଙ୍ଗଳବାର ୭୧ ହଜାର ଯୁବପିଢ଼ିଙ୍କୁ ନିଯୁକ୍ତି ପତ୍ର ପ୍ରଦାନ କରିଛନ୍ତି। ନିଯୁକ୍ତି ପତ୍ର ବଣ୍ଟନ କରିବା ସହ ମୋଦୀ ଆହୁରି ବି କହିଛନ୍ତି ଯେ ଯୁବପିଢ଼ିଙ୍କୁ ରୋଜଗାର ପନ୍ଥା ଯୋଗାଇ ଦେବାର ଏହି ଅଭିଯାନ ଜାରି ରହିବ।
ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ଭିଡିଓ କନ୍ଫରେନ୍ସିଂ ଜରିଆରେ ଯୁବପିଢ଼ିଙ୍କୁ ସମ୍ବୋଧନ କରି କହିଛନ୍ତି ଯେ ‘ଗତ ୧ ମାସରୁ ଏହି ପ୍ରକାରର ଅଭିଯାନ ରାଷ୍ଟ୍ରୀୟ ଜନତାନ୍ତ୍ରିକ ଗଠବନ୍ଧନ ଶାସିତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ଏହା ଚାଲୁ ହେବ।
ଜାଣିବାକୁ ମିଳିଛି ଯେ ମୋଦୀ ସମୁଦାୟ ୭୧, ୦୫୬ ଜଣଙ୍କୁ ନିଯୁକ୍ତି ପତ୍ର ସମର୍ପିଛନ୍ତି। ଗୁଜୁରାଟ ଓ ହିମାଚଳ ପ୍ରଦେଶରେ ଏବେ ନିର୍ବାଚନ ପାଇଁ ଆଦର୍ଶ ଆଚ୍ଚରଣ ବିଧି ଲାଗୁ ହୋଇଥିବାରୁ ଏହି ୨ ସ୍ଥାନକୁ ଛାଡ଼ି ନିଯୁକ୍ତ ପ୍ରକ୍ରିୟା ଏବେ ଦେଶର ୪୫ ସ୍ଥାନରେ ଲାଗୁ ହୋଇଛି।
