ମୁମ୍ବାଇ : ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଚାଲିଥିବା ଦୁଇ ମ୍ୟାଚ୍ ବିଶିଷ୍ଟ ସିରିଜର ଦ୍ୱିତୀୟ ତଥା ଅନ୍ତିମ ଟେଷ୍ଟ ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଖେଳାଯାଉଛି । ଆଜି ମ୍ୟାଚର ତୃତୀୟ ଦିନ । ଭାରତର ୫୪୦ ରନ୍ ଲକ୍ଷ୍ୟର ଜବାବରେ ନ୍ୟୁଜିଲ୍ୟାଣ୍ଡ ୩ ୱିକେଟ୍ ପାଇଁ ୧୦୦ ରୁ ଅଧିକ ରନ୍ ସଂଗ୍ରହ କରିଛି ଏବଂ ସମସ୍ତ ତିନୋଟି ୱିକେଟ୍ ଏପର୍ଯ୍ୟନ୍ତ ଭାରତୀୟ ତାରକା ଅଫ୍ ସ୍ପିନର ରବିଚନ୍ଦ୍ରନ୍ ଅଶ୍ୱିନ୍ଙ୍କ ଆକାଉଣ୍ଟରେ ଆସିଛି । ଏହା ସହ ଅଶ୍ୱିନ ଟେଷ୍ଟ କ୍ରିକେଟରେ ଏକ ନୂତନ ଇତିହାସ ସୃଷ୍ଟି କରିଛନ୍ତି । ଟେଷ୍ଟ କ୍ରିକେଟରେ ଚତୁର୍ଥ ଥର ପାଇଁ ଅଶ୍ୱିନ୍ ଗୋଟିଏ ବର୍ଷରେ ୫୦ କିମ୍ବା ତା’ଠାରୁ ଅଧିକ ୱିକେଟ୍ ନେଇଛନ୍ତି, ଯାହା ଟେଷ୍ଟ କ୍ରିକେଟ୍ ଇତିହାସରେ କୌଣସି ଭାରତୀୟ ବୋଲରଙ୍କ ପାଇଁ ରେକର୍ଡ ଅଟେ । ଅଶ୍ୱିନ୍ ମଧ୍ୟ ଅନିଲ କୁମ୍ବଲେ ଏବଂ କପିଲ ଦେବଙ୍କ ପରି ଭେଟେରାନ ମାନଙ୍କୁ ପଛରେ ପକାଇଛନ୍ତି ।
ଅନ୍ତିମ ଟେଷ୍ଟର ତୃତୀୟ ଦିନରେ ନ୍ୟୁଜିଲ୍ୟାଣ୍ଡର ଦ୍ୱିତୀୟ ଇନିଂସରେ ନ୍ୟୁଜିଲ୍ୟାଣ୍ଡର ତିନିଟି ୱିକେଟ୍ ନେଇ ଅଶ୍ୱିନ୍ ରେକର୍ଡ ନେଇଥିଲେ । ଗୋଟିଏ ବର୍ଷରେ ଚତୁର୍ଥ ଥର ପାଇଁ ଟେଷ୍ଟ କ୍ରିକେଟରେ ୫୦ କିମ୍ବା ଅଧିକ ୱିକେଟ୍ ନେଇ ଅଶ୍ୱିନ୍ ଏହି ସଫଳତା ହାସଲ କରିଛନ୍ତି । ଚଳିତ ବର୍ଷ ଟେଷ୍ଟ କ୍ରିକେଟରେ ଅଶ୍ୱିନ ୫୦ ୱିକେଟ୍ ନେଇଛନ୍ତି । ଏହାପୂର୍ବରୁ ସେ ୨୦୧୫, ୨୦୧୬ ଏବଂ ୨୦୧୭ ରେ ଟେଷ୍ଟ କ୍ରିକେଟରେ ୫୦ କିମ୍ବା ତାଠରୁ ଅଧିକ ୱିକେଟ୍ ନେଇଥିଲେ ।
ଅଶ୍ୱିନଙ୍କ ପୂର୍ବରୁ ଅନିଲ କୁମ୍ବଲେ ତିନିଥର ଏହି କୀର୍ତ୍ତିମାନ କରିଥିଲେ । ଟେଷ୍ଟ କ୍ରିକେଟର ଏକ ଇନିଂସରେ ସମସ୍ତ ୧୦ ୱିକେଟ୍ ନେଇ ରେକର୍ଡ ରଖିଥିବା କୁମ୍ବଲେ ୧୯୯୯, ୨୦୦୪ ଏବଂ ୨୦୦୬ ରେ ଟେଷ୍ଟ କ୍ରିକେଟ୍ ରେ ୫୦ କିମ୍ବା ତାଠାରୁ ଅଧିକ ୱିକେଟ୍ ନେଇଥିଲେ । ତାଙ୍କ ବ୍ୟତୀତ ହରଭଜନ ସିଂ ମଧ୍ୟ ଏହି ସଫଳତା ତିନିଥର ଏବଂ କପିଲ ଦେବ ଦୁଇଥର ହାସଲ କରିଛନ୍ତି । ହରଭଜନ ୨୦୦୧, ୨୦୦୨ ଏବଂ ୨୦୦୮ ରେ ଏହି ରେକର୍ଡ କରିଥିବାବେଳେ କପିଲ ଦେବ ୧୯୭୯ ଏବଂ ୧୯୮୩ ରେ ଏହି ରେକର୍ଡ ହାସଲ କରିଥିଲେ । ଚଳିତ ବର୍ଷ ଅଧିକାଂଶ ୱିକେଟ୍ ନେବାର ରେକର୍ଡ ଅଶ୍ୱିନଙ୍କ ନାମରେ ରହିଛି । ସେ ଚଳିତ ବର୍ଷ ୫୦ ଟି ୱିକେଟ୍ ନେଇଛନ୍ତି । ତାଙ୍କ ପଛକୁ ୪୪ ୱିକେଟ୍ ନେଇ ପାକିସ୍ତାନର ଶାହିନ୍ ଆଫ୍ରିଦି ଦ୍ୱିତୀୟରେ ଥିବା ବେଳେ ୩୯ ଟି ୱିକେଟ୍ ନେଇ ତାଙ୍କ ସହଖେଳାଳଇ ହାସନ୍ ଅଲି ତୃତୀୟ ସ୍ଥାନରେ ଅଛନ୍ତି । ଭାରତର ଅକ୍ଷର ପଟେଲ ୩୫ ୱିକେଟ୍ ନେଇ ଚତୁର୍ଥ ସ୍ଥାନରେ ଅଛନ୍ତି ।
