ଷ୍ଟାଡିୟମରେ ଲାଇନ୍ ନାହିଁ । ଆଉ କିଛି ଘଣ୍ଟା ପରେ ମ୍ୟାଚ୍, ଷ୍ଟାଡିୟମରେ ନାହିଁ ବିଜୁଳି ସଂଯୋଗ । ରାୟପୁର ସହିଦ ବୀରନାରାୟଣ ସିଂ ଷ୍ଟାଡିୟମରେ ଅଭାବନୀୟ ସ୍ଥିତି ଦେଖିବାକୁ ମିଳିଛି । ରାୟପୁର ଷ୍ଟାଡିୟମର ଏଭଳି ସ୍ଥିତି ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି ।ରାୟପୁର ଷ୍ଟାଡିୟମରେ ଆଜି ଭାରତ-ଅଷ୍ଟ୍ରେଲିଆ ୪ର୍ଥ ଟି-ଟ୍ବେଣ୍ଟି ମ୍ୟାଚ୍ ଥିବା ବେଳେ ଷ୍ଟାଡିୟମରେ କରେଣ୍ଟ ନାହିଁ । ତେବେ ଅତ୍ୟଧିକ ବିଜୁଳି ବିଲ୍ ବାକି ଥିବାରୁ ଷ୍ଟାଡିୟମରୁ ଲାଇନ୍ କଟାଯାଇଛି । ୩ କୋଟି ୧୬ ଲକ୍ଷ ବିଲ୍ ବାକି ପାଇଁ ୫ ବର୍ଷ ତଳୁ କଟାଯାଇଛି ଲାଇନ୍ । ମ୍ୟାଚ୍ ପାଇଁ ବିଶେଷ ଅନୁରୋଧରେ ଦିଆଯାଇଛି ଅସ୍ଥାୟୀ ସଂଯୋଗ ଦିଆଯାଇଛି ।ମାତ୍ର ୨୦୦ କେଭିର ସଂଯୋଗ ଦିଆଯାଇଥିବାରୁ ଅଚଳାବସ୍ଥା ସୃଷ୍ଟି ହୋଇଛି । ୨୦୦ କେଭିରେ କେବଳ ଗ୍ୟାଲେରୀ ଓ ବକ୍ସ ଆଲୋକିତ ହୋଇପାରିବ । ଫ୍ଲଡଲାଇଟ ପାଇଁ ୨୦୦ କେଭି ପର୍ଯ୍ୟାପ୍ତ ହେଉନଥିବାରୁ ଅଚଳାବସ୍ଥା ଦେଖିବାକୁ ମିଳିଛି ।ରାୟପୁର ଗ୍ରାମୀଣ ବିଭାଗର ଦାୟିତ୍ୱରେ ଥିବା ଅଶୋକ ଖଣ୍ଡେଲୱାଲ କହିଛନ୍ତି ଯେ ଷ୍ଟାଡିୟମର ଅସ୍ଥାୟୀ ସଂଯୋଗର କ୍ଷମତା ବୃଦ୍ଧି ପାଇଁ କ୍ରିକେଟ୍ ଆସୋସିଏସନ ଆବେଦନ କରିଛି । ୨୦୧୮ ରେ, ଏହି ଷ୍ଟାଡିୟମରେ ଏକ ଉତ୍ତେଜନା ଦେଖାଦେଇଥିଲା ଯେତେବେଳେ ହାଫ୍-ମାରାଥନରେ ଅଂଶଗ୍ରହଣ କରୁଥିବା ଆଥଲେଟ ମାନେ ଜାଣିବାକୁ ପାଇଲେ ଯେ ଷ୍ଟାଡିୟମରେ ବିଦ୍ୟୁତ ନାହିଁ । ଏହା ପରେ କୁହାଯାଇଥିଲା ଯେ ୨୦୦୯ ମସିହାରୁ ବିଦ୍ୟୁତ୍ ବିଲ୍ ପ୍ରଦାନ କରାଯାଇ ନାହିଁ, ଯାହା ୩.୧୬ କୋଟି ଟଙ୍କାକୁ ବୃଦ୍ଧି ପାଇଛି, ତେଣୁ ଭୂମିରୁ ବିଦ୍ୟୁତ୍ ସଂଯୋଗ ବିଚ୍ଛିନ୍ନ ହୋଇଛି ।
ତେବେ, ୨୦୦୨୩ରେ ମଧ୍ୟ ୨୦୧୮ର ସ୍ଥିତିରେ ଉନ୍ନତି ହୋଇନାହିଁ । ଏହି ଷ୍ଟାଡିୟମ ନିର୍ମାଣପରେ ଏହାର ରକ୍ଷଣାବେକ୍ଷଣ ପବ୍ଲିକ୍ ୱାର୍କସ ବିଭାଗ (ପିଡବ୍ଲ୍ୟୁଡି) କୁ ହସ୍ତାନ୍ତର କରାଯାଇଥିବାବେଳେ ଅବଶିଷ୍ଟ ଖର୍ଚ୍ଚ କ୍ରୀଡ଼ା ବିଭାଗ ବହନ କରିବାକୁ ପଡିବ । ବିଦ୍ୟୁତ୍ ବିଲ୍ ପୈଠ ନକରିବାରୁ ଉଭୟ ବିଭାଗ ପରସ୍ପରକୁ ଦାୟୀ କରୁଛନ୍ତି । ବକେୟା ବିଲ୍ ଦେୟ ପାଇଁ ବିଦ୍ୟୁତ୍ କମ୍ପାନୀ PWD ଏବଂ କ୍ରୀଡା ବିଭାଗକୁ ଅନେକ ଥର ନୋଟିସ୍ ପଠାଇଥିଲା, କିନ୍ତୁ ଏପର୍ଯ୍ୟନ୍ତ କୌଣସି ଦେୟ ପ୍ରଦାନ କରାଯାଇ ନାହିଁ ।ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟି-ଟ୍ୱେଣ୍ଟି ସିରିଜର ଚତୁର୍ଥ ମ୍ୟାଚ୍ ଆଜି ଡିସେମ୍ବର ୧ରେ ଖେଳାଯିବ । ଦୁଇ ଦଳ ମଧ୍ୟରେ ଏହି ମ୍ୟାଚ୍ ସନ୍ଧ୍ୟା ୭ଟାରେ ରାୟପୁରର ସହିଦ ବିର ନାରାୟଣ ସିଂ ଅନ୍ତର୍ଜାତୀୟ ଷ୍ଟାଡିୟମରେ ଆରମ୍ଭ ହେବ । ଅଷ୍ଟ୍ରେଲିଆ ବିପକ୍ଷ ଚତୁର୍ଥ ଟି -୨୦ ଜିତିବା ଏବଂ ସିରିଜ ଜିତିବା ଆଶାରେ ସୁର୍ଯ୍ୟକୁମାର ଯାଦବଙ୍କ ନେତୃତ୍ବାଧୀନ ଭାରତୀୟ ଦଳ ରହିଛି ।
