ଅମରାବତୀ: ଦେଶବିରୋଧୀ କାର୍ଯ୍ୟରେ ‘ପପୁଲାର୍ ଫ୍ରଣ୍ଟ୍ ଅଫ୍ ଇଣ୍ଡିଆ’ର ସଦସ୍ୟମାନେ ଲିପ୍ତ ଥିବା ଅଭିଯୋଗରେ ଆଜି ‘ନ୍ୟାସ୍ନାଲ୍ ଇନ୍ଭେଷ୍ଟିଗେସନ୍ ଏଜେନ୍ସି’ (ଏନ୍ଆଇଏ) ଆନ୍ଧ୍ରପ୍ରଦେଶ ଓ ତେଲେଙ୍ଗାନାର ୨୩ଟି ସ୍ଥାନରେ ଚଢ଼ଉ କରିଛି।
ଆନ୍ଧ୍ରପ୍ରଦେଶର କୁର୍ଣ୍ଣୂଲ୍, ଗୁଣ୍ଟୁର, ନେଲୋର ଓ ନନ୍ଦିୟାଲ୍ ଏବଂ ତେଲେଙ୍ଗାନାର ନିଜାମାବାଦ୍ରେ ଅଭିଯୁକ୍ତ ଏବଂ ସନ୍ଦିଗ୍ଧମାନଙ୍କ ସହିତ ସମ୍ପୃକ୍ତ ଥିବା ଘରେ ‘ଏନ୍ଆଇଏ’ର ପ୍ରାୟ ୨୩ଟି ଟିମ୍ ଏକକାଳୀନ ଚଢ଼ଉ କରୁଛି। ‘ପପୁଲାର୍ ଫ୍ରଣ୍ଟ୍ ଅଫ୍ ଇଣ୍ଡିଆ’ର କେତେ ଜଣ ସଦସ୍ୟଙ୍କୁ ଉଠାଇ ନିଆଯାଇ ପଚରାଉଚରା ମଧ୍ୟ କରାଯାଉଛି।
ତେଲେଙ୍ଗାନାର ନିଜାମାବାଦ୍ ଜିଲ୍ଲାରେ ଚଢ଼ଉ କରିଥିବା ଅଧିକାରୀମାନେ ଜଣେ ବ୍ୟକ୍ତିଙ୍କୁ ନୋଟିସ୍ ଜାରି କରି ସୋମବାର ଦିନ ତାଙ୍କୁ ହାଇଦ୍ରାବାଦସ୍ଥିତ ‘ଏନ୍ଆଇଏ’ କାର୍ଯ୍ୟାଳୟରେ ହାଜର ହେବାକୁ କହିଛନ୍ତି।
