ପାଟଣାଗଡ଼ : ପାଟଣାଗଡ଼ରୁ କଣ୍ଟାବାଞ୍ଜି ରାସ୍ତା ସାଲେପାଲି ଛକ ନିକଟରେ ମୁଖ୍ୟ ରାସ୍ତାରେ ଏକ ବାଇକ୍ ଦୁର୍ଘଟଣାରେ ଜଣେ ଯୁବକ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ମୃତକ ଜଣକ ହେଲେ ସଲାଣ୍ଡିର ନୀଳ ଧାରୁଆ.ବୋଲି ଜଣାପଡିଛି । ମିଳିଥିବା ସୂଚନା ଅନୁଯାୟୀ ମୃତକ ନୀଳ ଧରୁଆ ଓ ତାଙ୍କ ସାଙ୍ଗ ମିଶି ୨ ଜଣ ପାଟଣାଗଡ ଆସୁଥିଲେ । ଏହି ସମୟରେ ସାଲେପାଲି ଛକଠାରେ ଜଣେ କାଠ ବୋଝେଇ ସାଇକେଲ ବାଲାଠାରେ ପିଟିହୋଇ ବାଇକ୍ରୁ ଛିଟିକି ହୋଇ ପଡ଼ିଯାଇଥିଲେ । ଘଟଣାସ୍ଥଳରେ ଗୁରୁତର ହୋଇ ପାଟଣାଗଡ ହସ୍ପିଟାଲ ଅଣାଯାଇ ଚିକିତ୍ସିତ କରାଯାଇଥିବା ଡାକ୍ତର ଅତିଗୁରୁତର ନୀଳ ଧରୁଆକୁ ମୃତ ଘୋଷଣା କରିଥିଲେ । ଅନ୍ୟ ଆହତ ଯୁବକ ଜ୍ୟୋତିରଞ୍ଜନ ବଗର୍ତି ଅବସ୍ଥା ଗୁରୁତର ହେବାରୁ ବଲାଙ୍ଗୀର ଜିଲ୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡ଼ିଛି । ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବା ସହ ପାଟଣାଗଡ଼ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ଜଣାପଡିଛି ।
