ଯାଜପୁର : ଦୁର୍ଘଟଣାରେ ଯାଜପୁର ଜିଲ୍ଲା ଧର୍ମଶାଳା ବ୍ଲକ୍ର ଚୋରମୁହାଁ ପଞ୍ଚାୟତ ସରପଞ୍ଚ ପ୍ରଦ୍ୟୁମ୍ନ କେଶରୀ ମହାନ୍ତିଙ୍କ ପରଲୋକ ହୋଇଥିବା ଜଣାପଡିଛି । ପ୍ରଦ୍ୟୁମ୍ନଙ୍କ ମୃତ୍ୟୁ ଖବରରେ ଅଂଚଳରେ ଶୋକର ଛାୟା ଖେଳିଯାଇଛି । ପ୍ରଦ୍ୟୁମ୍ନଙ୍କ ମର ଶରୀର ଧର୍ମଶାଳା ମେଡିକାଲ ପରିସରରେ ରଖାଯାଇଛି । ପ୍ରଦ୍ୟୁମ୍ନଙ୍କ ଶେଷ ଦର୍ଶନ ପାଇଁ ମେଡିକାଲ ପରିସରରେ ସ୍ଥାନୀୟ ଅଂଚଳର ବହୁତ ସରପଞ୍ଚ, ସମିତିସଭ୍ୟ ସମେତ ଅନେକ ସ୍ଥାନୀୟ ବାସିନ୍ଦାଙ୍କ ଭିଡ ଜମିଥିବା ଦେଖିବାକୁ ମିଳିଛି । ସୂଚନାଯୋଗ୍ୟ ଯେ, ଏକ ବ୍ୟକ୍ତିଗତ କାର୍ଯ୍ୟରେ ଯୋଗ ଦେବାକୁ ଯାଉଥିବା ସମୟରେ ଧର୍ମଶାଳା ଥାନା କାଏମା ନଦୀବନ୍ଧ ଭୁବନ ନିକଟରେ ରାସ୍ତାକଡ଼ ଡିଭାଇଡ଼ରରେ ପିଟି ହୋଇ ମୃତ୍ୟୁ ଘଟିଥିବା ସୂଚନା ମିଳିଛି ।
