ପୁରୀ : ପୁରୀରେ ଦେବ ଶିଳ୍ପୀ ବିଶ୍ୱକର୍ମାଙ୍କ ପୂଜା ଉତ୍ସବ ଆନନ୍ଦ ଉଲ୍ଲାସର ସହ ପାଳିତ ହୋଇଯାଇଛି । ଏଥିପାଇଁ ପୂଜା ମଣ୍ଡପ ଗୁଡ଼ିକୁ ଆକର୍ଷଣୀୟ ଭାବେ ସଜ୍ଜିତ କରାଯାଇଥିଲା । ହୋମାଦି ପୂଜାର୍ଚ୍ଚନା ପରେ ପୁଷ୍ପାଞ୍ଜଳି ପ୍ରଦାନ କରାଯାଇଥିଲା । ଗ୍ରାମ୍ୟ ଜଳ ଯୋଗାଣ ଓ ପରିମଳ ଖଣ୍ଡ, ପୂର୍ତ୍ତବିଭାଗ, ୱାଟକୋ, ସରକାରୀ ଶିଳ୍ପ ତାଲିମ ପ୍ରତିଷ୍ଠାନ, ପୁରୀ ଜିଲ୍ଲା ବିଶ୍ୱକର୍ମା ମହାସଭା, ବିଦ୍ୟୁତ୍ ବିଭାଗ ଆଦି କାର୍ଯ୍ୟାଳୟରେ ଆନନ୍ଦ ଉଲ୍ଲାସର ସହ ଅଧିକାରୀ ଓ କର୍ମଚାରୀ ଗଣ ପୂଜା ପାଳନ କରିଥିଲେ ।
