ବାଲିଗୁଡ଼ା: କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଥାନା ଅନ୍ତର୍ଗତ ସୁଲୁମାହା ଗ୍ରାମ ନିକଟ ଘାଟି ଉପରେ ବାଇକ ଦୁର୍ଘଟଣା ଘଟି ୨ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ସୂଚନା ପ୍ରକାରେ ସ୍ରାନିକେତା ପଞ୍ଚାୟତ ସାଲାଇଜୁ ଗ୍ରାମର ୩ଜଣ ଯୁବକ ଏକ ଗ୍ଲାମର ବାଇକରେ ଦାରିଙ୍ଗବାଡ଼ିରୁ ନିଜ ଗାଁକୁ ଫେରିବା ବେଳେ ସୁଲୁମାହା ଘାଟି ନିକଟରେ ଥିବା ଏକ ବର ଗଛକୁ ଜୋରରେ ଧକ୍କା ଦେଇ ଅନ୍ୟ ଏକ ଗଛ ଓ ଏକ ବଡ ସାପ ହୁଙ୍କା ଭିତରେ ଚାପି ହୋଇ ରହି ଯାଇଥିଲେ, ଯାହା ଫଳରେ ଘଟଣା ସ୍ଥଳରେ ୨ଜଣଙ୍କ ମୃତ୍ୟ ଘଟିଥିବା ବେଳେ ଆଉ ଜଣେ ଗୁରୁତର ଆହତ ହୋଇଥିଲେ ।
ମୃତ ଦୁଇ ଯୁବକ ହେଲେ ସାଲାଇଜୁ ଗ୍ରାମର ସାଲୁ ପ୍ରଧାନ(୧୮)ଓ ଅମିତପ୍ରଧାନ(୨୧) । ସେହିପରି ଗୁରୁତର ଆହତ ଯୁବକଙ୍କ ନାମ ରିଣ୍ଟୁ ପ୍ରଧାନ । ପ୍ରାଥମିକ ଚିକିତ୍ସା ପରେ ରିଣ୍ଟୁର ଅବସ୍ଥା ଗୁରୁତର ଥିବାରୁ ତାଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ଘଟଣା ସ୍ଥଳରେ ଦାରିଙ୍ଗବାଡ଼ି ପୋଲିସ ପହଞ୍ଚି ଶବ ଜବତ କରିବା ସହିତ ଘଟଣାର ତଦନ୍ତ ଆରମ୍ଭ କରିଛି ।
